Qırımda rus işğalcileri toqtamayıp közetüv zonasını yaratalar. Olar yarımadada "aqıllı videokozetüv sistemasını" çalıştıralar. Bunıñ sayesinde olar yerli sakinler üzerinde nezaretni pekitmege planlaştıralar.
Bu aqta Milliy tirenüv areketiniñ (MTA) Telegram kanalında haber etildi.
"Havfsızlıq uydurması ile ruslar tınç sakinler üzerinde bütünley nezaretni arttıralar. Sistema video toplap, onı talil etip, duşmannıñ mahsus hızmetlerine berecek. Qırım ketken sayın açıq kontslagerge çevirile", – denile beyanatta.
MTA-de daa Qırımda rus işğalcileri tertip ketirmeyler, tek qorqu ve yerli ealige qarşı basqılar yapqanlarını ayrıca qayd ettiler.
Hatırlatayıq ki, işğalciler Qırımdaki paralimpiya mektepleri esasında Ukrainağa qarşı cenkleşken rus askerleri içün sport sektsiyalarını yaratalar.
Telegram, WhatsApp ve Facebookta Suspilne Qırım haberlerine abune oluñız
