"Sarı şerit" qarşılıq areketi, çiçek aynıñ 26-da muvaqqat işğal etilgen yarımada territoriyasında daa bir "Qırım – Ukrainadır" tedbirini keçirdi. Faalciler Simferopol (Aqmescit), Sevastopol (Aqyar), Yevpatoriya (Kezlev), Kerç (Keriç), Bağçasaray ve YaltaRusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adları şeerlerinden fotoresimlerni derc ettiler, anda ukrain şeritler peyda oldı, graffit şeritleri yazıldı.
Bunı areket, öz Telegram-kanalında bildirdi.
"Qırımnıñ işğali başlanğanından 11 yıldan ziyade vaqıt keçti. Siyasetçilerniñ beyanatları, boş lafları çoq oldı. Bu arada Silâlı Quvetlerniñ ve Ukraina bayrağınıñ qaytarılmasını beklegen adiy Qırım sakinleri er kün dünyağa hatırlatalar: Qırım – Ukrainadır", – qayd ettiler "Sarı şeritte".
Tedbir iştirakçileri qayd eteler: olarnıñ zorbalıqsız narazılığı devam ete, vaqıt ise Ukraina içün çalışmaqta.
"Rusiye prezidenti ve onıñ Kremldeki yoldaşları içün er şey yavaş-yavaş soñuna çıqa. Ve biz olar içün soñu Rusiyede degil de, Gaagada olacağına işanamı", – bildirdiler faaller.
Telegram, WhatsApp ve Facebookta Suspilne Qırım haberlerine abune oluñız
