İşğal etilgen Qırımda Ukrayinağa qoltutqan faalcilerni qıdırmaq içün kütleviy reydler ve teşkerüvlerge azırlanalar. İşğalciler çiçek ayınıñ 29-na antiterroristik talimler numayışını planlaştıralar.
Çiçek ayınıñ 25-nde "Ateş" arbiy-partizan areketi Telegram kanalında bunı bildirdi.
Bu talimler vaqtında yañı blok noqtaları qurulacaq, vesiqa ve telefonlarnı teşkerecek qoşma patruller ketirilecek, dep partizanlar qayd ettiler.
"Sigara içüv yerlerinde Qırımdaki arbiy obyektlerge ücüm etüv ihtimalini işğalciler daima muzakere eteler. R*şistler "talimler" esasında tehnikasını ve arbiy silâlı desantlarını gizli sürette avuştırmağa tırışalar, ve bu sebepten olar Ukrayina mudafaa quvetlerinen işbirlik yapqanlarnı tapmaq içün Qırım sakinlerini teşkermege tırışacaqlar", — dep "Ateş" koordinatorları qayd ettiler.
Olar areket agentlerine mektüplerni temizlemege tevsiye eteler, şu cümleden çat-botlardan, Telegramda iş esaplarından çıqmağa ve yedek telefonlarını qullanmağa tevsiye eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
