"Sarı şerit" areketiniñ üç yıllığında faalciler işğal etilgen şeerlerde, hususan Qırımda, aktsiyalarnıñ yañı dalğasını teşkil etip, Ukrayina yerastı areketiniñ sındırılmazlığını numayış ettiler.
Çiçek ayınıñ 25-nde areket, öz Telegram kanalında bunı bildirdi.
Yıllıq munasebetinen faalciler vaqtınca işğal etilgen topraqlarda, şu cümleden Sevastopol (Aqyar), Simferopol (Aqmescit), Yevpatoriya (Kezlev), Yalta, Donetsk, Luğansk, Melitopol ve Geniçeskte timsaliy aktsiyalarnı keçirdiler.
İştirakçiler sarı şeritler, levhalar ve diger narazılıq işaretlerini qoyıp, Ukrayina istilâsı devam etkenini hatırlattılar.
"Bugünki aktsiya işğal etilgen topraqlarda küreşni devam etken bütün ukrayinlerge bağışlana. VİET ve kontrol etilgen topraqlarda, cebede ve arqada, epimiz Ukrayina öz bölünmegen 603,7 biñ kvadrat kilometriniñ er birine qaytması içün çalışamız", — dep areket muracaatında aytıla.
Areket iştirakçileri üç yıl içinde biñlernen narazılıq aktsiyalarını keçirgenlerini qayd ettiler: Herson, Melitopol, Berdânsk şeerlerinde keçirilgen büyük mitinglerden başlap, Donetsk, Mariupol, Luğansk ve Qırımda keçirilgen malümat tedbirlerine qadar.
"Sarı Şerit" bugün — er kün Rusiye cinayetlerini aydınlatmağa yardım etken, VİET ve Ukrayina arasında bağ tutqan, Rusiye teşviqatına qarşı küreşken, Ukrayina cenübi ve şarqınıñ Ukrayina halqara neşriyatları tarafından aydınlatılmasına yol bermegen, dünyağa köstergen biñlernen faalcilerdir — Ukrayinanıñ işğal etilgen qısmı susmay ve birleşüvni bekley", — dep "Sarı Şerit" koordinatorları qayd ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
