Çiçek ayınıñ 24-nci sabası Rusiye on bir gemisini Qara deñizge arbiy hızmetke yolladı, olardan dörtü umumen 16 "Kalibr" qanatlı raketasınıñ taşıyıcısıdır. Azaq deñizde ise Rusiye gemileri qayd etilmedi.
Ukraina SQniñ Arbiy-deñiz quvetleriniñ matbuat hızmeti Facebookta bunı bildirdi.
Aynı zamanda Aq deñizde ise üç Rusiye gemisi bar, olardan ekisi — umumen 12 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine on gemi keçti, olardan dörtü İstanbul boğazına areket etti. Keriç boğazından Qara deñizge ise sekiz gemi keçti, olardan beşi İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
