İşğal etilgen Qırımda Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini Ukrayinağa qoltutqan pablikte yapqanı izaatlar içün "aşırıcılıq"da qabaatlandı. Tintüv ve davanıñ sebebi olğan sözler — “Хороший русский — мертвый русский” ("Yañı rus - ölü rus").
"Tribunal. Qırım epizodı" uquq qorçalayıcı teşebbüsi bu aqqında haber berdi.
Facebookta olğan tefsirden soñ qadınnıñ yanına FSB hadimleri keldiler, tintüv keçirip, dava açtılar.
Soñra Rusiye teşviqiy kütleviy haber vastaları qadın "rus tilini ve milletini yoq etmege" çağırğanını iddia etip başladı. Amma, buña isbat olğan iç bir video tapılmadı. Uquq qorçalayıcılar, quvetçilerniñ "aşırıcılıq"nı tasdıqlaycaq başqa bir şey tapmağanlarını tahmin eteler.
"Böyle saylap alınğan "aşırıcılıqnen küreş" sadıq olmağan ealini taqip etüv ve Ukrayina tarafdarlarınıñ duyğularını bastırmaq kibi bir şey. Böyle areketler insaniyetlikke qarşı cinayet alâmetleri taşığanını ve Halqara mahkemede bu repressiv ameliyatlarnıñ teşkilâtçıları ve icracıları cevap bereceklerini qayd etmekten usanmaymız", — dep teşebbüs qayd etti.
"Irade" uquq qorçalayıcı teşebbüsiniñ bildirgenine köre, soñki aylar içinde bu kibi qabaatlavlarnen bağlı bir qaç dava açıldı. Aksine, Rusiye teşviqatında, hususan qırımtatarlarğa qarşı, zorbalıqqa çağıruvlar işğalli akimiyet tarafından kütleviy şekilde körmemezlikke urula.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
