Ukraina havfsızlıq hızmeti, Herson vilâyetiniñ 50 yaşındaki sakini Qırımdaki işğalli strukturalarnen işbirlik yapqanından şübheli sayılğanını bildirdi. Tahqiqatnıñ malümatına köre, 2015 senesi adam özüni Rusiyede iş adamı olaraq qayd etti, 2023 senesi ise Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) işğalli akimiyetniñ vekillerinen IT-infrastrukturanıñ yañartıluvı içün añlaşma tizdi.
Baş prokurorlıqnıñ saytında bu aqqında yazıldı.
Tahqiqatnıñ malümatına köre, şübhelengen adam işğalli memuriyet organlarından birisinde yedekleme ve arhivleme sistemasınıñ tehnikiy donatması içün qanunsız hızmet köstergen edi. Muqaveleniñ miqdarı 300 biñ rubleden çoqtır.
Bu delillernen o, duşmannen işbirlikUkrayina CQniñ 111-1nci maddesiniñ 4-nci qısmı faaliyetinde qabaatlana. Qanunğa binaen, bozuvcığa 3 yıldan 5 yılğa qadar apis cezasını, mal-mülküni tutıp ala ya da para cezasını ala bileler.
Bundan da ğayrı, şübhelengen adam Sevastopolda (Aqyarda) qayd etilgen bir qaç şirketniñ tesisçisi ve yolbaşçısı ola. Olar vaqtınca işğal etilgen Qırım toprağında çalışmağa devam eteler, yerli müessiseler ve qurulışlarğa hızmet eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
