Çiçek ayınıñ 23-nci sabası Rusiye eki gemisini — umumen 12 "Kalibr" qanatlı raketasınıñ taşıyıcısı olğan eki gemisini — Qara deñizge arbiy hızmetke yolladı. Azaq deñizde ise Rusiye gemileri qayd etilmedi.
Ukraina SQniñ Arbiy-deñiz quvetleriniñ matbuat hızmeti Facebookta bunı bildirdi.
Aynı zamanda Aq deñizde ise dört Rusiye gemisi bar, olardan ekisi — umumen 12 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine beş gemi keçti, olardan üçü İstanbul boğazına areket etti. Keriç boğazından Qara deñizge ise dört gemi keçti, olardan üçü İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
