2025 senesi kiçik ayda Er-Riyadda AQŞ ve Rusiye temsilcileri arasında körüşüv olıp keçti. Moskva Ukrayinanıñ resmiy teslim etilüvine yol açqan bütün talaplarnı taqdim etti. Başta Rusiyege qoltutqan Trump memuriyeti şimdi Ukrayina yolbaşçılığını bir sıra "körüşüv" neticesinde topraq berüvlerinen sınay.
Bunı Qırımtatar Milliy Meclisiniñ reisi Refat Çubarov bildirdi.
"Eminim ki, Kreml 2025 senesi kiçikniñ 18-nde AQŞ yañı memuriyetine bütün "istekleri"ni bildirdi. Amerika tarafı şaşıp qaldı demek, bir şey aytmamaqtır. Mında evelden Putin tarafından seslendirilgen bütün talaplar bar edi: em denatsifikatsiya, em silâsızlaştıruv, em Ukrayinanıñ NATOğa kirmemesi ve, elbette, Rusiye tarafından işğal etilgen bütün Ukrayin topraqlarınıñ, şu cümleden Qırımnıñ halqara seviyede tanınması", — dep yazdı o.
Çubarovnıñ qayd etkenine köre, Moskvanıñ böyle nazar noqtası tesadüfen peyda olmadı.
ʼʼTrump ve onıñ etrafındaki insanlar özleri içün yapılğan bir qapqanğa tüştiler. Muzakereler başlamadan evel de Putin ve Rusiyege nisbeten eyilik mesaclarınıñ aqımını hatırlamaq yeterlidir. İşte, Moskva bütün Rusiye imperatorlığınıñ esasını kördi", — dep Çubarov qayd etti.
Onıñ fikrine köre, şimdi Trump memuriyeti medianıñ topraqlarnıñ bir qısmını barışıqqa deñiştirmek aqqındaki laflarını qullanıp, Ukrayinanıñ razı olmağa azırlığını sınay.
"Şimdi, menimce, men faraziyelerge keçem ki, Trump memuriyeti Ukrayina reberligi ve siyasetçilerini sınap, Ukrayina tarafından topraq teslimatı mevzusında çeşit türlü numayışlar teşkil ete, olarsız Rusiye-Ukrayina cenkini toqtatmaq ve devamlı barışıqqa irişmek imkânsız olacaq", — dep Refat Çubarov yazdı.
Bu laflarda o şunı hatırlata: topraq bütünligi meselelerinde iç bir uzlaşuv olmaycaq, Qırım aqqında er angi muzakereler ise tek Ukrayina ve Qırımtatar halqınıñ iştiraginen ola bilir.
"Bizim nazar noqtamız, halqara uquqqa esaslanıp ve Ukrayina milliy qanunlarına uyğun olıp, şundan ibaret: Qırım tamır Qırımtatar halqınıñ vatanı ve Ukrayinanıñ ayırılmaz parçasıdır", — dep Qırımtatar Milliy Meclisiniñ reisi qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
