Rusiye işğal etilgen Qırımdaki Keriç deñiz balıq limanını işğal etilgen Ukrayina bölgelerinden çıqarılğan gaz ve Ukrayin ububatınıñ qanunsız ihracı içün qullanmağa devam ete.
Qırım.Aqiqat mühbirleri bunı bildirdiler.
Keriç deñiz balıq limanında, gaz terminallarınıñ yanında, eki LPG tankeri qayd etildi, olardan birinde tarafında qapalı identifikatsiya malümatı bar edi. Bundan da ğayrı, aşayt mahsulatı taşığan vagonlarnen eşelon aşayt terminalı yanında köründi. Olar yüklenip yüklenmegeni belli degil, evel bu limandan Yaqın Şarq ülkelerine Ukrayin ububatı naqil etile edi.
Tolu miqyaslı istilâ başlanğan soñ halqara sanktsiyalar ve yarımadanıñ Ukrayin limanlarınıñ halqara gemicilik içün qapatılğanına baqmadan Rusiye Qırımnıñ liman astyapısının qullanuvını quvetleştirdi.
Qırım.Aqiqatnıñ malümatına köre, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) limanları strategik yüklerni — hususan, "Qırım Titanı" içün ilmenit ve neft mahsulatlarını — avuştırmaq içün qullanıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
