Qırımdaki arbiy bölüklerniñ biriniñ sabıq tank komandanına devlet hainligiUkrayina CQniñ 111-nci maddesiniñ 1-nci qısmı ve qaçaqlıqUkrayina CQniñ 407-nci maddesiniñ 4-nci qısmıtan şübheli sayılğanını bildirdiler. Duşman tarafına keçken soñ, o, 2022 senesiniñ istilâsında iştirak etti ve Rusiye Federatsiyasınıñ qurulışlarında karyera yaptı.
Ukrayina Baş prokurorınıñ ofisi bunı bildirdi.
Tahqiqatnıñ malümatına köre, 2014 senesi saban ayında, Qırımnıñ vaqtınca işğali devrinde, şübhelengen adam yañı yerleşüv yerine kelmedi, Ukrayina Silâlı quvetlerinde hızmet etmekten vazgeçti ve duşman tarafına keçti.
Ant etkenini bozğan soñ Rusiye Silâlı quvetlerinen añlaşma tizdi. 2022 senesi tolu miqyaslı istilâ vaqtında şübhelengen adam duşman tarafında, hususan Herson vilâyetinde, cenk areketlerinde faal iştirak etken edi.
Bu areketleri içün 2022 senesi saban ayında Rusiye Federatsiyasında devlet mukâfatına taqdim etildi ve "Rusiye Federatsiyasınıñ Qaramanı" unvanınen taqdirlendi.
2024 senesi ilk küz ayında şübhelengen adam "Qırım Cumhuriyetiniñ idare akimiyetinden RF Federal Meclisiniñ Federatsiya Şurasınıñ senatorı, Federatsiya Şurasınıñ mudafaa ve havfsızlıq eyyetiniñ azası" vazifesine tayin etildi.
Telegram, WhatsApp ve Facebookta Suspilne Qırım haberlerine abune oluñız
