İşğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde işğalli memuriyet mekteplerde "terrorizmge qarşı talimler"ni başlattı. Olar habersiz keçirip, talebelerniñ şahsiy eşyalarını tinteler ve ana-babalarnı pek qasevetlendireler.
Çiçek ayınıñ 21-nde "Sarı şerit" areketiniñ iştirakçileri Telegram kanalında bunı bildirdiler.
Faalcilerniñ bildirgenlerine köre, talebelerni apansızdan soqaqqa çıqaralar, ocalar ise çantalarını baqıp başlaylar. Mekteplerdeki subetlerde ana-babalarğa bu "yañı telükesizlik strategiyası"nıñ bir qısmı olğanını bildireler. O vaqıt iç bir vesiqa ya da programma açıq irişimde yoq edi.
"Qırım sakinlerini diqqatlı olmağa ve balalarnıñ çantalarınıñ içindekilerini mektepte er daqqada teşkermek mümkün olğanına azır olmağa çağıramız", — dep areketniñ koordinatorları qayd ettiler.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız