2025 senedeki birinci çerik devamında işğal etilgen Qırımda "Rusiye ordusınıñ itibarını tüşürmek" maddesi boyunca eñ azdan 159 memuriy iş cedvelge alındı. Olardan 151-ine cöreme ya da tevqif olaraq memuriy cezasını tayin ettiler.
Bu aqta Qırım uquq qoruyıcı gruppasınen (QUQG) azırlanılğan Qırımdaki insan aqları vaziyetiniñ közetüv cedvelinde bildirile.
"Büyük miqyaslı ücüminiñ devri içinde QUQG, eñ azdan 1152 böyle memuriy davasını vesiqalaştırğan", – denile beyanatta.
2022 senesi saban ayında Rusiye Devlet Dumasında Rusiye ordusı aqqında "sahtelengen malümatlar" sebebinden ceza aqqında qanun leyhasını qabul ettiler. 2023 senesi saban ayında şartnameni quvetleştirdiler – Rusiyede ve işğal etilgen topraqlarında Ukrainağa qarşı cenkte iştirak etken arbiy hızmetkârlarnı yanıdan "itibardan tüşürüvi" sebebinden 15 yılğa qadar mahkeme cezası bekley.
Hatırlatamız ki, çiçek aynıñ 18-de "Tevqif advokatı" leyhası, Qırım sakini Aleksandr Tarapon eki buçuq yıl apisten soñ azat etilgeni aqqında bildirdi. O, "rus ordusınıñ itibarından tüşürmesinde" qabaatlanıp, cezasını keçire edi.İşğal tahqiqatınıñ malümatlarına köre, erkek, şeerde ömür arqadaşınıñ Ukrainanen cenkte iştirak etken soy-sopı aqqında beyannamelerni yapıştırdı.
Telegram, WhatsApp ve Facebookta Suspilne Qırım haberlerine abune oluñız