Ukrayinada, 2014 senesi Rusiye işğalcilerine qoşulğan Qırımdan sabıq nazir 13 yılğa azatlıqtan marum etildi. Olarnıñ tarafında o, "Qırım Cumhuriyeti Nazirler Şurasınıñ reisiniñ muavini — haber ve bağ içki siyaseti naziri" vazifesini aldı.
Qırım QMC prokurorlığınıñ Telegram kanalında bu aqqında haber etildi.
Qayd etilgenine köre, o 2018 senesine qadar öz "vazifesi"ni eda etken edi. O, yarımadanıñ media, kütleviy alâqalar, televizion ve radio yayınlavı, neşriyat faaliyeti ve poçta alâqası saasında siyasetini Rusiye işğalcileriniñ menfaatlarına köre şekillendirip standartlaştırğan edi.
"Mahküm etilgen adam öz vekâletlerini yerine ketirerek, yarımadanıñ haber alanını Rusiye Federatsiyasınıñ qanunlarına uyğunlaştırmaq ve Qırımnıñ media alanında Rusiye teşviqatını faal sürette tarqatmaq maqsadınen işğalli akimiyetniñ qararlarınıñ yerine ketirilmesini teminley edi, em de istilâcı devletniñ vekillerine Ukrayinağa qarşı bozuv faaliyetini kerçekleştirüvde yardım ete edi", — dep prokurorlıq qayd etti.
Qayd etmek kerek ki, Suspilne Qırımnıñ menbaları, adlarını bildirmemek şartınen, laf Polonskıy Dmıtro Anatoliyovıç aqqında kete, dep bildirdi.
Hatırlatamız ki, Ukrayinada Rusiye işğalcileriniñ silâlı birleşmelerine qol tutqan Qırım "mebusı" mahküm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız