Ukrayinada Rusiye işğalcileriniñ silâlı birleşmelerine qol tutqan Qırım "mebusı"nı mahküm ettiler. Qadın bölüklerni ilâc, urba ve aşayt mallarınen temin ete edi. Bunıñ içün sekiz yıl apis cezasını aldı.
Qırımdaki UHHUkrayina havfsızlıq hızmetiniñ baş idaresiniñ Facebook saifesinde bu aqqında haber etildi.
Qayd etilgenine köre, 2024 senesi ilk küz ayına qadar qadın Yalta işğalli "akimiyetiniñ yolbaşçısı"nıñ muavini vazifesini becere edi. 2023 senesine qadar ise, işğalcilerniñ silâlı quvetlerini ilâc, urba ve aşayt mallarınen temin etken bölge "teşkilatı"nıñ meydanğa ketirilmesini idare etti.
"Mahkeme, Havfsızlıq hızmetiniñ tahqiqatçıları tarafından toplanğan delillerge esaslanıp, Ukrayina Ceza qanunnamesiniñ 111-1 maddesiniñ 5-nci qısmına ("Duşmannen işdeşlik faaliyeti") köre cinayetçini qabaatladı. O, mülkü alınıp, sekiz yıllıq apis cezasına ğıyabiy şekilde mahküm etildi. O, Ukrayinanıñ vaqtınca işğal etilgen topraqlarında bulunğanı içün, onı mesüliyetke çekmek içün kompleks tedbirler alıp barıla", — dep aytıla haberde.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Hatırlatamız ki, Ukrayin mahkemesi "Feodosiya bölgesiniñ kazaklar birligi"niñ idarecisini ğıyabiy şekilde 15 yılğa üküm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız