"Volgoneft" tankerleriniñ qazası neticesinde Keriçniñ yalısında işğal etilgen Qırımda yañı mazut tökülmesi qayd etildi. Kirlenilgen yalı boyu bir kilometrge yaqın.
Şeherniñ işğalli yolbaşçısı Oleg Katorginniñ malümatına esaslanıp, RİA "Novosti Krım" bunı bildirdi.
"Nijnöprımorska soqağı ve Ğeroyivka rayonındaki plâjlarda tahminen yüz insan çalışa", — dep agentlik yazdı.
Hatırlatamız ki, çiçek ayınıñ 12-sinde "Agentstvo. Novosti" gazetasında yazılğanı kibi, mazut alâ daa yalı kenarları ve qayalarda qala, yañı kirlenüvler peyda olmağa devam ete. Mütehassıslar 2025 senesi Qara deñizde yuvunmamağa tevsiye eteler.
Keriç boğazında batqan Rusiye tankerlerinden mazutnıñ çıqqan yeri de uydu resimlerinde körüne. RNBOMilliy havfsızlıq ve mudafaa şurası yanındaki Sahte malümatnen küreş merkezi bu aqqında haber etti. Neft mahsulatı qaza neticesinde suvuqlıq sebebinden suv tübünde qaldı — sıcaqlıq başlağanda o yuqarığa çıqar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız