Saban ayınıñ 21-nde qırımtatar tilinden 7-nci yıllıq onlayn imlânıñ ğalipleri bildirildi. İmlâ kiçik aynıñ 21-nde — Halqara ana tili künü olıp keçti.
Teşkilâtçısı — "Nefes" cemaat teşebbüsi Facebookta bu aqqında haber etti.
Onlayn imlânıñ ğalipleri arasında:
- Nayle İsmailova — Sudaq, Qırım
- Zemfira Karahalilova - Biloğirsk (Qarasuvbazar), Qırım
- Elzara Abduramanova - Saq rayonı, Qırım
- Abibulla Seit-Celil — Kıyiv
"Nefes" haber etkenine köre, mukâfatlar ğaliplerge eñ yaqın vaqıtta berilecek.
Bu sene metinniñ adı "Sözniñ qadirine yetmek" edi, onı qırımtatar tili tercimanı, muarriri ve ocası Maye Safet yazdı, onı qırımtatar tili ocası ve tercimanı Mamure Çabanova oqudı.
Qırımtatar tilinde birinci onlayn imlâ 2019 senesi olıp keçti.
Telegram, WhatsApp ve Facebookta Suspilne Qırım haberlerine abune oluñız