"Sarı şerit" cemaat areketi Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç ve Bağçasaray şeerlerinde yañı ukrain tarafdarı aktsiyasını keçirdi. Olar Rusiye işğalcilerine Qırım Ukrainanıñ qısmı olğanını hatırlattılar.
Muqavemet areketi öz Telegram kanalında bu aqqında yazdı.
Bildirilgeni kibi, faalciler yarımada boyunca onlarnen narazılıq işaretini qaldırdılar. "İşğal — muvaqqat", "Qırım — bu Ukraina", "İşğal — bayram degil" yazıları soqaq ve meydanlarda peyda oldı.
"Fotoresimlerden birinde — 11 yıldır sessiz qalğan Simferopoldaki (Aqmescitteki — terciman) ukrain telekanalı. Amma signal keri qaytacaq. 2014 senesi saban ayınıñ 18-i — Qırım yarımadasınıñ tarihında qara bir kündir. O künü ruslar qanunsız işğalini resmen "teşkil ettiler". Bu künniñ on birinci yıllığını ukrainler, er angi şübeleri olğanlarğa Qırım Ukrainanıñ olğanını köstermek içün, sert bir qarşılıqnen qayd eteler", — dep faalciler qayd ettiler.
Bundan da ğayrı, olar Basmannıñ töpesinde Ukraina bayrağınen fotoresimni derc ettiler.
"Basman — Qırımnıñ eñ yüksek töpelerinden biri, "rüzgârlar anbarı", furtunalarnıñ doğğan yeri. Bu yer yerli sakinler ve musafirler içün belli, çünki mından bütün yarımadanıñ manzaraları açıla. Amma 2025 s., kene de, bu sadece bir coğrafik noqta degil. Bu Qırımnıñ qaviyliginiñ timsalidir. Yarımadanıñ kerçek saipleri bir yerge ğayıp olmadı", — dep faalciler qayd ettiler.
Telegram, WhatsApp ve Facebookta Suspilne Qırım haberlerine abune oluñız