İşğal etilgen Qırımda saban ayınıñ 16-18 künleri furtuna havfı ilân etildi. Yağmur, sılaq qar beklenile, yel süratı 25 metrge qadar yetecek.
Yarımadada Fevqulâde vaziyetler nazirligi bunı bildirdi.
Saban ayınıñ 18-nde ava arareti 10-15⁰ derecege tüşecek, gece -2⁰, kündüz - +5⁰, sabannıñ 19-nda -6⁰ derecege qadar tüşecek.
"Qırım gidrometeorologiya ve etraftaki müitniñ nezareti idaresiniñ malümatına köre, saban ayınıñ 16-nda cenübiy-ğarbiy yel 15-20 m/s, bazı yerlerde 25 m/s qadar küçlenecek. Saban ayınıñ 17-nde yağmur yağacaq, sabannıñ 18-nde sılaq qar yağacaq, bazı yerlerde küçlü yağanaqlar olacaq, 15-20 m/s şimaliy-şarqiy yel quvetleşecek, 25 m/s qadar", — dep aytıla haberde.
Telegram, WhatsApp ve Facebookta Suspilne Qırım haberlerine abune oluñız