Cenkiy balalıq müzeyi "11 yıllıq cenk. Başlanğıç noqtası: Qırım" forumı çerçivesinde Qırımnıñ Rusiye işğaline tirenüv kününe bağışlanğan "Tirenüv küçü" sergisini taqdim etti. Serginiñ merkeziy qısmı — yarımadada işğalli rejimniñ repressiyalarını başından keçirip, evlerini terk etmege mecbur olğan yedi balanıñ ikâyesidir.
Bunı Ukraina prezidentiniñ Qırım Muhtar Cumhuriyetindeki temsilciligi bildirdi.
"Bu sergi, işğalcilerniñ askeriyleştirüv içün tasilni nasıl qullanğanlarını ve gençlerge öz mefküresini zorlamaq içün tarihiy aqiqatnı nasıl bozağanlarını köstere. Lâkin balalarnıñ Qırım aqqında hatırlavları olarnıñ dayanıqlılığını, yaşağanlarını añlamaq ve medeniy kimliklerini saqlamaq ıntıluvlarını köstere", — dep temsilcilik qayd etti.
Читати ще
Telegram, WhatsApp ve Facebookta Suspilne Qırım haberlerine abune oluñız