İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ekimler ve acele yardım hadimleri az aylıq ve ağır iş şaraiti sebebinden işten çıqalar. İşçilerniñ sayısı 40-50%ge qadar eksildi.
Milliy muqavemet merkezi bunı bildirdi.
"Bu, bir stantsiyada tek 4-5 acele yardım maşinası çalışqanını ve künde 90 çağırışnı baqqanını köstere. Böyleliknen, bir hastağa ayırılğan vaqıt pek az ola, fevqulâde vaziyet olsa, kimse çıqıp olamaz. Tibbiy hadimlerniñ aytqanına köre, COVID-19 pandemiyası vaqtında bile böyle bir buhran olmadı", — dep aytıla haberde.
Şimdi, Milliy muqavemet merkeziniñ yazğanına köre, işğal etilgen Qırımda ekimler ayda 25 biñ ruble (11 766 ğrıvnâ) ala, amma ötken sene bu para lâğu etilgen edi.
"Bazı hadimler qara qış ayınıñ aylıqlarını daa almadılar, bu ise Rusiye Federatsiyasınıñ "sağlıq nazirligi"nde maliyeviy qarışıqlıq olğanını köstere. Amma işğalcilerniñ arbiy masrafları içün para er vaqıt bar", — dep bildire MMM.
Bundan da ğayrı, Rusiye sağlıq nazirligi ekimlerge acele hızmette çalışmağa yasaq etti, şunıñ içün boş vazifelerge mütehassıslarnı tapmaq zorlaştı, dep MMMyazdı.
Читати ще
Facebook, Instagram ve Telegramda haberlerimizni oquñız, bizim YouTubeve TikTokımıznı baqıñız