İşğal etilgen Qırımda rusiye ordusınıñ tenqit etüvi ve Ukrainağa qol tutuvı içün yerli ealine qarşı basqılar sürmekteler. İşğal "makemeler" cöremeler, tevqif müddetler ve içtimaiy ağlarda tefsirler, Ukrainağa qol tutuvı ve "casuslıqta" şübelevi içün ükümlerni alıp çıqaralar.
Suspilne Qırım, keçken afta içinde yarımada sakinlerine çıqarılğan qanunsız tutıp aluvlar ve ükümleriniñ sırasını azırlanğan.
Sevastopol: subetteki tefsirler içün para cezası
Sevastopoldeki (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı işğal "makemesi", 43 yaşında olğan yerli qurucılıq şirketiniñ hadimini rusiye ordusınıñ "itibardan tüşürüvi" içün 40 biñ rublege (17 120 grivna) cezalandırğan. İşğal milisniñ malümatına köre, erkek, içtimaiy ağlardaki şahsiy subetinde rusiye akimiyetini "itibardan tüşürgen" tefsirini yazıp qaldırğan. Onıñ yazılarını quvetçiler tapqanlar, Sevastopoldeki "Lenin makemesi" ise – erkekni qabaatlı tanıp cöreme ödetti.
"Lenin rayon makemesiniñ qararına köre, erkekke 40 biñ ruble miqdarında memuriy para cezas tayin etilgen", – bildirdi Sevastopolniñ işğal milisi.
Sevastopol: "ukrain mahsus hızmetlernen işdeşligi" içün müstemlekede 5 yıl
Sevastopolniñ yerli sakinini ukrain mahsus hızmetlernen "gizli işdeşliginde" qabaatlap umumiy rejimli tuzetüv müstemlekesinde 5,3 yılğa makeme ettiler. FTH-niñ işğal idaresi bildirgeni kibi, qadın, Telegram vastası ile ukrain mahsus hızmetleriniñ vekillerinen bağnı qurıp olarğa Sevastopoldeki rusiye arbiy obyektleri aqqında malümatlarnı alıp bergen edi. Apis etüviniñ esas müddetinden ğayrı, işğal makemesi, cezalandıruvınıñ bitüvinden soñ daa azatlıqtan marum etüviniñ bir yılını qoşqan.
"RF-nıñ vatandaşı, Telegram vastası ile Ukraina mahsus hızmetleriniñ vekillerinen teşebbüs olaraq bağını qurğan ve olarnıñ vazifelerine köre areket etip Sevastopolniñ territoriyasında Rusiye Federatsiyasınıñ Silâlı quvetleriniñ faaliyeti aqqında malümatlarnı paylaşa edi", – iddia eteler Qara deñiz flotı boyunca FTH-niñ işğal idaresinndeki matbuat hızmetinde.
Feodosiya rayonı: "VKontakte"-de tefsiri içün para cezası
İşğal "Sovetskoye rayon makemesi", Feodosiya (Kefe)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı rayondaki Kıyanlı (İlliçeve) köyniñ 50 yaşında olğan sakinine 50 biñ ruble (15 biñ grivna) miqdarında cöreme ödetti. "Tahqiqatnıñ" versiyasına köre, erkek, "VKontakte" içtimaiy ağında rusiye ordusını "itibardan tüşürgen" tefsirini yazıp qaldırğan. İşğal quvetçileri Qırımdaki içtimaiy ağlarını acele tarzda nezaret etip rusiye tarafdarlıgına qarşılığını köstergen ufaq ifadelerni bile qıdıralar.
Sevastopol: "casuslıq" içün müstemlekede 14 yıl
Sevastopoldeki işğal "makemesi", başqa ülkeniñ vatandaşını "casuslıqta" qabaatlavında qattı nizamlı müstemlekesinde 14 yılına makeme etken. FTH bildirgenik ibi, 43 yaşında olğan erkek, Telegram vastası ile Ukraina MN İBİ-nen işdeşlikte bulunıp "ilerideki ateş ile atıp uruvı" maqsadı ile rusiye arbiyleriniñ ve tehnikasınıñ bulunğan yeri aqqında malümatnı yazıp bere edi. İşğalcilerniñ versiyasına köre, erkek, mukâfatnı kriptovalütasında alğan edi, onı arbiy obyektiniñ foto qayd etüvi vaqtında tutıp aldılar.
Simferopol: "Aksönovğa suiqast yapılmasına" dair "davası" mekemege alıp berilgen
Rusiye işğalciler bildirgenleri kibi, qırım haini Sergey Aksönovğa "suiqast yapılmasında azırlanuvında" qabaatlanılğan Volodımır Ananyev, Volodımır Bodnar ve Oksana Şevçenkonıñ davasını "makemege" alıp berdiler. FTH-niñ versiyasına köre, ukrain vatandaşlar Aksönovnıñ yolunı taqip etip onıñ maşnasını patlamağa planlaştıra ediler. Olarnı 2024 senesi uvut ayında tutıp aldılar, Ananyevge ise keççe "terraktqa yardım etilmesinde" ilâve qabaatlavını alıp çıqarğanlar. Davanıñ baquvı, Rostov-na-Donudaki Cenübiy arbiy bölge makemesinde olıp keçirilecek.
"Zaporijjâ vilâyetinden Bodnar, radio ile idare etilgen patlayıcı aletini, Aksönovnıñ maşnasınıñ patlavı içün qullanmağa planlaştırılğan berici ve alıcısını alıp ketirgen", – bildirdiler rusiye prokuraturasında.
Qırım: tefsirler ve ukrain timsalligi içün tevqifler
Belli davalardan ğayrı, işğalciler Ukrainağa er bir destegi içün qırımlılarnı taqip etmege devam eteler. armânskta içtimaiy ağlarda "USQ-niñ qaytuvını beklegen" 74 yaşında olğan erkegini tutıp aldılar. Qadınnı "ordunıñ itibardan tüşürüvi" ve "VKontakte"-de ukrain timsallerniñ neşir etüvi içün tevqif ettiler. Ekisine qarşı protokollar tizilgen, malümatlar işğal "makemesine" alıp berilgen.
Hatırlatayıq ki, İnsan aqları boyunca Avropalı makemesi, Rusiyeni muntazam sürette söz serbestliginiñ bozuluvı ve Ukrainağa qarşı cenkniñ tenqiti içün insanlarnıñ taqip etüvi içün qabaatlı dep tanığan. Makeme ayrıca şunı qayd etti ki, Qırımda işğal makemelerniñ bütün "ükümleri" qanunsızdır.
Telegram, WhatsApp ve Facebookta Suspilne Qırım haberlerine abune oluñız