Kiçik aynıñ 7-nci sabası Rusiye bir gemisini, şu cümleden umumen dört "Kalibr" qanatlı raketasınıñ taşıyıcısı olğan gemisini Qara deñizge arbiy hızmetke yolladı. Azaq deñizde ise Rusiye gemileri qayd etilmedi.
Ukraina SQniñ Arbiy-deñiz quvetleriniñ matbuat hızmeti Facebookta bunı bildirdi.
Aynı zamanda Aq deñizde ise altı Rusiye gemisi bar, olardan ekisi — umumen 22 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine dört gemi keçti, olardan ekisi İstanbul boğazına areket etti. Keriç boğazından Qara deñizge ise dört gemi keçip, İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Читати ще
Telegram, WhatsApp ve Facebookta Suspilne Qırım haberlerine abune oluñız