İşğal etilgen Qırımnıñ 20 siyasiy mabüsi apis müddetini tolusınen keçirdi. Çoqusı alâ daa teşkerüv ya da memuriy nezaret altında buluna.
Qırımtatar Maaliy Merkezi (QMM) bunı bildirdi.
Cemaat teşkilâtı apishaneden azat etilgen şahıslarnıñ adlarını da qayd etti:
2018 senesi arman ayında siyasiy mabüs Oleksandr Kostenko 3,5 yıl apishanede keçirdi.
2019 senesi arman ayında siyasiy mabüs Oleksandr Steşenko 2 yıl apiste keçirdi.
2019 senesi arman ayında siyasiy mabüs Volodımır Prısiç 3 yıl apiste keçirdi.
2020 senesi qara qış ayında siyasiy mabüs Rustem Vayitov 5 yıl apis cezasını apishanede keçirdi.
2020 senesi qara qış ayında siyasiy mabüs Nuri Primov 5 yıl apishanede keçirdi.
2020 senesi kiçik ayda siyasiy mabüs Oleksiy Stoğniy 3,5 yıl apishanede keçirdi.
2020 senesi saban ayında siyasiy mabüs Ferat Sayfullayev 9 yıl apishanede keçirdi.
2020 senesi berim ayında siyasiy mabüs Nariman Memedeminov 2,5 yıl apiste keçirdi.
2021 senesi saban ayında siyasiy mabüs Ğlib Şabliy 4 yıl apiste keçirdi.
2021 senesi mayıs ayında siyasiy mabüs Oleksiy Çırniy 7 yıl apishanede keçirdi.
2021 senesi ilk qış ayında siyasiy mabüs Renat Süleymanov 4 yıl apishanede keçirdi.
2023 senesi saban ayında siyasiy mabüs Mıkola Şıptur 9 yıl apishanede keçirdi.
2023 senesi çiçek ayında siyasiy mabüs Arsen Cepparov 7 yıl apis cezasını çekti.
2023 senesi mayıs ayında siyasiy mabüs Edem Kadırov 4 yıl apishanede keçirdi.
2023 senesi mayıs ayında siyasiy mabüs Aydın Mamutov 4 yıl apishanede keçirdi.
2023 senesi bozarğan ayda siyasiy mabüs Andriy Zahtey 6,5 yıl apiste keçirdi.
2024 senesi kiçik ayda siyasiy mabüs Yevheniy Karakaşev 6 yıl apishanede keçirdi.
2024 senesi çiçek ayında siyasiy mabüs Refat Alimov 8 yıl apishanede keçirdi.
2024 senesi bozarğan ayda siyasiy mabüs Emil Minasov 7 yıl ve 1 ay apishanede keçirdi.
2025 senesi qara qış ayında siyasiy mabüs Andriy Kolomiyets 10 yıl apishanede keçirdi.
Amma azat etilgen soñ bile, bu insanlar serbest degiller, dep QMM qayd etti. Çoqusında sınav müddeti ya da memuriy nezaret devam ete.
"Bu sıñırlavlar siyasiy mabüslerniñ qanunsız ceza müddetini keçken soñ vatandaşlıq ayatını mümkün olğanı qadar qıyınlaştırmaq içün yapıldı. Meselâ, bu sıñırlavlar altında bulunğan insanlar işke kirmege, tibbiy yardımnı almağa ya da içtimaiy yardımnı elde etmege imkânları yoq. Qayd etemiz ki, Rusiye Federatsiyası Qırımda Ukraina tarafını tutqanlar içün repressiv maşinanıñ bütün aletlerini qullana", — dep aytıla haberde.
Cemaat teşkilâtınıñ malümatına köre, işğal vaqtında işğal etilgen Qırımda siyasiy mabüsler ve cinaiy davalar boyunca taqip etilgenlerniñ sayısı 374 insan oldı. Olardan 229-ı — tamır qırımtatar halqınıñ vekilleri.
Telegram, WhatsApp ve Facebookta Suspilne Qırım haberlerine abune oluñız