Qanunsız sürette apis etilgen qırımtatar faalleri Teymur ve Üzeyir Abdullayevleri Başqurtistannıñ Salavat şeerindeki müstemlekesinde insaniyetsiz şaraitler sebebinden buhranlı vaziyette bulunalar. İnsan aqlarınıñ daimiy bozuluvı, etraftan ayırıluvı ve tibbiyet yardımından red etüvi, apiste olarnıñ bulunuvını aqiqiy imtianına çevirildiler.
Bunıñ aqqında siyasiy mabusınıñ anası Dilâra Abdullayeva bildirdi, yaza Qırım MC-de Ukraina prezidentiniñ temsilciligi.
Müstemlekege kelgen soñ Teymur Abdullayev, "bozuluvlar"-da sahtelengen qabaatlavlar içün tutılğan cezahnesinde qalaraq, iç bir vaqıt avlağa alıp keçirilmegen edi. Sılaq, suvuq kameralarında sürekli bulunuvı, ilâçlarğa sıñırlanğvn irişimi ve kerek olğan tibbiy yardımınıñ yoq oluvı, ciddiy sağlıq meselelriniñ peyda oluvına alıp ketirgenler: gipertonik krizi, buğumlar, büyrekler ve mide-içekler yollarınıñ sürekli hastalıqlarına.
Dilâra Abdullayeva tarif etkeni kibi, onıñ oğlusı, künlerni beton tabanında keçirmege mecbur. Ayrıca qış mevsimde şaraitler ağır. Müstemleke memuriyeti, yardım aqqında er muracaatlarını körmemezlikke urmağa devam ete.
Aynı müstemlekesinde tutılğan onıñ qardaşı Üzeyir Abdullayevnen vaziyeti aynı. Yürek qusurı diagnozına ve ekimlerniñ tevsiyelerine baqmadan onı ep cezahanesine qapatalar.
"Hizb ut-Tahrir davası"nıñ birinci Aqmescit gruppası aqqında ne bilemiz
2016 senesi orta küz ayınıñ 2-nde Aqmescit rayonınıñ Kamyanka ve Stroğanivka mikrorayonlarında kütleviy tintüvler keçirildi. Beş adam tutuldı ve Rusiyede yasaq etilgen "Hizb ut-Tahrir" islâm siyasiy firqasınıñ faaliyetinde qabaatlanğan edi.
2019 senesi bozarğan ayda Rostov-na-Donu Cenübiy bölgeniñ arbiy makemesi "Hizb ut-Tahrir davası"nıñ birinci Aqmescit gruppasınıñ mabüslerini: Teymur Abdullayev sert rejimli müstemelekede 17 senege, Uzeyir Abdullayev 13 senege, Rustem İsmailov 14 senege, Ayder Salidenov ve Emil Cemadenov 12 senege maküm etti.
2019 senesi ilk qış ayınıñ 24-nde Rusiye Yuqarı makemesi mabüslerniñ ükümlerini 6 ayğa qısqartıp, deñiştirdi. Böyleliknen, Teymur Abdullayev 16 sene 6 ay apis cezasına ve 1 sene 4 aylıq memuriy nezaret cezasına maküm etildi, Uzeyir Abdullayev 12 sene 6 ayğa, Rustem İsmailov 13 sene 6 ayğa, Emil Cemadenov 11 sene 6 ayğa, Ayder Salidenov 11 sene 6 ayğa apis cezasına maküm etildi.
Telegram, WhatsApp ve Facebookta Suspilne Qırım haberlerine abune oluñız