"Mında ukrain halqı yaşay": "Sarı şerit" areketi Qırımda yañı narazılıq aktsiyasını keçirdi

"Sarı şerit" cemaat areketiniñ faalcileri işğalge qarşılıqnıñ yañı timsallerini Rusiye tarafından vaqtınca işğal etilgen Qırımdaki Aqmescit (Simferopol), Aqyar (Sevastopol) ve Yaltada yerleştirdiler.

İlk qış ayınıñ 19-nda areket öz Telegram kanalında bunı bildirdi.

Böylece, muqavemet timsalleri SSCB Anayasa meydanında, "Moskva" musafirhanesi yanında ve Aqmescitteki Gagarin parkında, Aqyar soqaqlarında ve Yaltanıñ merkezindeki deñiz parkında peyda oldı.

Areketniñ iştirakçileri, şu cümleden, ruslar ve yarımada sakinlerine böyle qısqa mesajlar qaldırdılar: "Biz — Ukrainamız", "Mında ukrain halqı yaşay", "Ukraina sennen beraber", "Qırım USQni bekley", "Qırım = Ukraina".

"Sarı Şerit" areketiniñ faalcileri, tuvğan toprağınıñ serbest olğanını tekrar körmek içün işğalcilerge kerekli qadar qarşılıq kösterecekler", — dep qayd ettiler "Sarı Şerit" koordinatorları.

Hatırlatamız ki, daa evel "Sarı şerit" areketiniñ faalcileri Ukraina bayrağını işğal etilgen Qırımnıñ Aqyar civarında yerleşken Baydar yaylasınıñ eñ yüksek noqtası olğan İlyas Qayada köterdiler.

Читати ще

Читати ще

"Ми є, ми чекаємо, ми віримо": у Криму рух "Жовта Стрічка" провів нову акцію спротиву окупації

Читати ще

"Крим вітає з Днем ЗСУ": рух "Жовта Стрічка" провів нову проукраїнську акцію в різних містах півострова

Читати ще

Українські зірки та художники доєднались до флешмобу руху "Жовта Стрічка" на підтримку жителів ТОТ

Читати ще

Важлива дата для руху спротиву: активісти "Жовтої Стрічки" у Криму привітали українців з Днем Гідності і Свободи

Telegram, WhatsApp ve Facebookta Suspilne Qırım haberlerine abune oluñız