Qırım Muhtar Cumhuriyetiniñ prokurorlığı, devlet hainligiUkraina Cinayet qanunnamesiniñ 111. maddesinde qabaatlanğan yarımadanıñ işğalli ekologiya ve tabiat resursları nazirliginiñ qabaatlav aktını makemege berdi. Bu madde 15 yılğa qadar apis cezasını bere.
İlk qış ayınıñ 4-nde Qırım Muhtar Cumhuriyeti ve Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığ bu aqqında haber etti.
Taqiqat malümatına köre, qabaatlanğan qadın 2013 senesinden berli Devlet ekologik inspektsiyasınıñ reisiniñ muavini ve Qırım Muhtar Cumhuriyetiniñ tabiat qoruvı boyunca baş devlet inspektorınıñ muavini olıp çalışqan edi.
2014 senesi arman ayında yarımada işğal etilgen soñ, "Qırım Cumhuriyetiniñ ekologiya ve tabiat resursları naziriniñ muavini" vazifesini alıp, işğalciler tarafına keçti. 2021 senesi orta küz ayında "ekologiya naziri" ve işğalli müessiseniñ baş inspektorı oldı, bu vazifede alâ daa çalışa.
İşğalli nazirlikte çalışqanı içün qabaatlanğan qadın mukâfat ve taqdirlevlerni aldı: Rusiye naqliyat naziriniñ teşekkürnamesi, "Qırımnıñ Rusiyege qoşuluvınıñ beşinci yıllığı munasebetinen" medali ve "Tabiat qoruvnıñ mükemmelli" nişanı.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram ve Facebookta Suspilne Qırım haberlerine abune oluñız