Перейти до основного змісту

Keriç köprüniñ qoruvı Ava mudafaası sistemasınen qulleler vastasınen quvetleştirile — JTM

Keriç köprü. Facebook/офіційна сторінка Кримського мосту

Rusiye işğal etilgen Qırımda qanunsız qurulğan Keriç köprüniñ mudafaasını pekitmege devam ete, "Pantsir-S1M" zıddiyet-raketa kompleksiniñ yañı qullelerini qura. Üçünci qurulışnıñ qurucılığı 2024 senesi boş aynıñ soñunda qayd etildi.

Jurnalist taqiqatları merkezi (JTM) bunı bildirdi.

Tuzla adasında 2024 senesi berim ayında viaduktnıñ eki tarafında Ava mudafaası sistemasınen birinci eki qulle qayd etildi. Yañı qurulış, Rusiyeniñ qamaçavlarnı qorçalamaq ve qoşma mudafaa sistemalarını yerleştirmek içün qurğanı mahsus parallel köpürlerde yerleşkenini tahmin eteler.

Qullelerniñ iç qısmı transformator şeklinde, onıñ merdivenlernen ve tışqı, qurulışnı desteklegen, metal çerçivesi bar. Üstünde "Pantsir-S1M" zıddiyet-raketa-top kompleksiniñ arbiy modüli yerleştirile. Bu sistema 15 km yüksekliginde ve 20 km radiusında olğan maqsatlarğa ücüm ete bile, ve komplekslerniñ gruppalarda birleşmesi qoruv zonasını bayağı kenişletmege imkân bere.

Daa evel JTM, Keriç tarafındaki köpür yanındaki inşaat meydanında tahminen 30 böyle inşaatnı körgen. Jurnalistlerniñ sözlerine köre, mudafaa quvetleştirilüvi, Ukraina raketaları ve uçucısız aletleriniñ telükesi altında strategik obyektniñ zarar körmemesi içün Rusiyeniñ ğayretini köstere.

Telegram, WhatsApp ve Facebookta Suspilne Qırım haberlerine abune oluñız

Топ дня
Вибір редакції