Orta küz ayınıñ 19-nda "Jovten" kinoteatrinde rejissörı Qırımdan USQniñ arbiy hızmetçisi Oleh Sentsov olğan "Real" vesiqalı filmi kösterilecek.
Bunı o Facebook saifesinde bildirdi.
"Bu video klassik añlamda tam bir film degil, bu daa çoq cenk aqqında malümat, amma onıñ kerçek duyğusını bere", — dep yazdı Sentsov.
"Real" filminiñ dünya premyerası bozarğan aynıñ soñunda Çeh Cumhuriyetiniñ Karlovı Varı şeerindeki film festivalinde olıp keçti.
Hatırlatamız ki, orta küz ayınıñ 17-23. künleri Kıyivde Kıyiv tenqit aftası kinofestivali keçirilecek. Programmada Venedik, Varşava ve Karlovı Varıda keçirilgen festivallerniñ ukrain filmleri, Sorrentino ve Odyarnıñ Cannes meşur eserleri olacaq.
Suspilne Medeniyet bu sene Kıyiv tenqit aftasınıñ bütün programmalarını ve bölüklerini topladı mahsus qapalı numayışlardan başlap, sesli premyeralarğa qadar.
Bundan da ğayrı, filmniñ maqsadı ve ukrain premyerası aqqında Sentsov "Medeniyet vaqtında" programmasında añlattı.
Oleh Sentsov aqqında ne bilemiz
Oleh Sentsov Evromaydannıñ faal iştirakçisi edi. O vaqıt bir qaç mukâfatlı rejissör edi. Avtomaydannıñ iştirakçisi edi. Qırım işğal etilgen soñ o, "Birleşken memleket içün" mitinglerini teşkil etmege tırışqan tuvğan Aqmescitke sıq-sıq bara edi. Sentsov, yarımadada bulunğan ukrain arbiylerine mahsulat ve başqa ilk ihtiyaclarnı bergen göñülli edi.
2014 senesi mayısnıñ 10-nda Rusiye quvetçileri onı Ğennadiy Afanasyev, Oleksiy Çırniy ve Oleksandr Kolçenkonen beraber Qırımnıñ "bir qaç şeerinde diversiya-terroristik areketlerni azırlağanı"nda şübeli sayılıp Aqmescitte yaqaladılar.
Sentsov 2015 senesi arman ayınıñ 25-te "terrorizm"de qabaatlanıp, sert rejimli müstemlekde 20 senege maküm etildi. 2019 senesi berim ayında Ukraina Oleh Sentsov ve Oleksandr Kolçenkonı deñişim esnasında qaytardı.
2022 senesi Rusiye istilâsınıñ birinci künlerinden başlap, o, Ukrainanı qorçalamağa başladı. Qırım rejissörı "Mağura" arbiy silâlı quvetleriniñ 47-nci maşna brigadasında hızmet ete. Bir qaç kere yaralandı, amma kene de orduğa qaytıp kele edi. 2023 senesi bozağan ayda kiçik leytenant unvanını aldı. Sentsov NLAW (en soñki taşıyıcı tankqa qarşı raketa kompleksi) operatorı oldı.
Telegram, WhatsApp ve Facebookta Suspilne Qırım haberlerine abune oluñız