Amerikanıñ Perdü universitetinde qırımtatar halqınıñ medeniyeti ve sanatına bağışlanğan "Qırım mirası: qırımtatarlarnıñ resmiy eserlerinde" sergisi keçirildi.
Bunı tedbirniñ teşkilâtçıları Crimean Tatar Foundation USA Facebookta bildirdi.
"Bu sergi adiy bir sergiden daa büyük. Qırımtatar halqınıñ tarihı, medeniyeti ve kerçekliginen tanışuvdır. O, keçmiş ve bugünki künler arasında köpür qurıp, qırımtatarlarnıñ dünya medeniy mirasındaki rolü aqqında teren tüşüncelerge ilham bere", — dep bildirildi.
Qayd etilgenine köre, John Martinson Honor Collegede keçirilgen tedbir çerçivesinde ziyaretçiler ananeviy "Örnek"niñ yaratıluvını kördi, qırımtatar qave ve "Qurabiye" keksiniñ tadını çekti, em de ukrain alimleriniñ 1944 senesi Qırım tamır halqınıñ genotsidi ve mecburiy sürgünligi aqqında lektsiyasını diñledi.
Telegram, WhatsApp ve Facebookta Suspilne Qırım haberlerine abune oluñız