Oraq ayınıñ 26. gecesi Ukraina mudafaa quvetleri işğal etilgen Qırımda "Saq" ava limanına ücüm ettiler. Bu, Rusiyeniñ ava boşluğını nezaret etmek içün qullanğanı operativ ava limanlarından biridir.
Ukraina Silâlı quvetleriniñ Baş ştabı Telegramda bunı bildirdi.
"Ukraina Silâlı quvetleriniñ raketa ordularınıñ bölükleri mudafaa quvetleriniñ başwa qısımlarınen beraberlikte vaqtınca işğal etilgen Qırımda "Saq" ava limanına ücüm ettiler. Bu, Rusiyeniñ ava boşluğını, şu cümleden Qara deñizniñ suvlarını nezaret etmek ve Ukraina toprağına uçaq vastalarınen ücüm etmek içün qullanğanı operativ ava limanlarından biridir", — dep bildirildi.
Baş ştab qayd etti ki, ücümniñ aqibetleri aqqında malümat ögrenile.
Baş ştabta qayd ettiler ki, ava limanı "zemaneviy" Rusiye Ava mudafaası sistemasınıñ vastalarınen qorçalanğan edi.
"Rusiye Silâlı quvetleriniñ müim maqsatlarına mudafaa quvetlerimizniñ bütün qısımlarınıñ ortaq cenk işi devam etecek", — dep Baş ştabı qoştı.
Hatırlatamız ki, oraq ayınıñ 26. gecesi yerli sakinler işğal etilgen Saq ve Kezlev şeerlerinde patlamalar eşitkenlerini Suspilne Qırımğa haber ettiler.
Telegram ve Facebookta Suspilne Qırım haberlerine abune oluñız