Oraq ayınıñ 15-nde işğal etilgen Qırımdan Rusiye Qara deñiz flotunıñ (RFnıñ QDF) soñki nezaret gemisi çıqtı. Bu 1135 leyhalı nezaret gemilerinden biridir.
USQniñ Arbiy-deñiz quvetleriniñ nutuqçısı Dmıtro Pletençuk Suspilne Qırımğa bunı añlattı.
"Bu, 1135 leyhalı nezaret gemilerinden biridir. "Ladnıy" adını taşıy. Amma bu malümatnı teşkermek kerek, teşkerüv devam ete. Ve şimdi o, arbiy degil de, tehnikiy olğan yardımcı gemilernen ketkenini qayd etmek mümkün. Olar havfsızlıqnı temin ete bileler. Onıñ içün, belki de, bir de bir meseleleri bardır, çünki o, ozğarılıp çıqtı. Belki de, olar yalıñız onıñnen beraber deñizge keçmege qarar bergenler", — dep ADQniñ nutuqçısı añlattı.
Azaq-Qara deñiz bölgesindeki vaziyetni köz ögüne alaraq, şu cümleden Qara deñizde, Pletçençuk qayd etti ki, Rusiye flotunıñ suvastı gemileri bu zonada areket etmeyler, çünki yoq etilüv telükesi yüksek.
Bu sebepten gemilerden biri başqa bazağa keçkenini tahmin etmek mümkün. Tafsilâtlar şimdilik aydınlatılmasa da, gemi Qırımnı terk etkenini bilemiz, çünki, arbiy deñiz quvetleriniñ nıtıqçısınıñ sözlerine köre, Rusiye quvetleri içün havfsız noqtalar aman qalmadı.
Pletencuknıñ fikirince, gemi Qara deñizde, amma Qırım tışında qalacaq.
O qayd etti ki, bu vaziyet Rusiye quvetleriniñ ukrain Qırımında yerleşip olamağanını köstere. Tehnikiy ceetten, nezaret gemisi cenk areketlerine tesir etip olamay, çünki o, ateş açıp zarar ketirmek ya da tışqı reydlerni yapmaq qabiliyetinde degil. Arbiy-deñiz quvetleriniñ nutuqçısı qoştı ki, geminiñ esas vazifesi — Qara deñizde Rusiye uçaqlarına keçmege mecbur olğan akvatoriyanı nezaret etmektir.
Onıñ sözlerine köre, bu, Rusiye Qırımnı terk etmek kerekligini añlağanını köstere, eñ azından gemilerniñ sayısına köre. Aynı zamanda, bu yaqın kelecekte Rusiye tehnikasını kütleviy sürette çıqaracağı manasına kelmey, dep qayd etti. Pletçençuk ayttı ki, Rusiyeniñ ayrı arbiy bölükleri çıqmaq kerekler ve olar içün vaziyet stabil olsa edi, olar anda qalır ediler.
"Rusiyeniñ Qaradeñiz flotunıñ Qırımda qalğan gemileriniñ ekseriyeti — tehnikiy flottır. Bu tehnikiy teminat gemileri, çeşit çekici gemiler, arbiy birlikler aman-aman yoq. Yani, bu yardımcı flot, kater taqımı olğan birimler. Olar alâ daa tışqı reydlerge çıqalar", — dep ADQniñ nutuqçısı Dmıtro Pletençuq hulâsa çıqardı.
Telegram ve Facebookta Suspilne Qırım haberlerine abune oluñız