Bozarğan aynıñ 14. künü Kıyiv şeerinde Qırımdan asker Şura "Yalta" Râzantsevanen vedalaşalar. O, qalp kemliginden vefat etti. Keçenlerde o, 40. doğğan kününi qayd etti.
Suspilne Qırım mühbiri bu aqqında haber bere.
Bozarğan aynıñ 11. künü qardaşı Valeriya, askerniñ vefat etkenini bildirdi.
Mıhaylo Altın qubbeli katedral kilsesinde saat 12:00de vedalaşuv merasimi başlandı.
Asker ve "Yalta"nıñ dostu Viktor añlattı ki, cenkten evel bile leyhalarda körüştiler, tolu miqyaslı cenk devrinde, 78. ayrı desant-ücüm polkunda ise tanıştılar.
"O yerge yolu içün küreşti ve ümüt etem ki, eñ yahşı ölümden soñ ayatını aldı", — ayttı o.
Şura Râzantsevanıñ dostu Vitaliy añlattı ki, ayatra empatik, merametli ve taqımnıñ göñlü edi.
"Onıñ er vaqıt açıq-aydın nazar noqtası bar edi, onıñ aqqında tek eñ pozitiv hatıralarım qaldı. Unutmaycağım ki, insanlarğa dair tarafta asla turmay edi. Onen bir assotsiatsiyam bar — merametlik ve yarıq", — hatırladı o.
Vedalaşuv merasimi bitken soñ Mustaqil Meydanına añuv yürüşi başlandı.
"Bugün biz Ukrainanıñ qaramanı "Yalta"nen vedalaşamız. Biz, onı ürmetnen añmağa keldik. Tüşünem ki, er bir ukrainalı kelip ve qaramannı ürmetnen añmaq kerek", — Şura Râzantsevanı ürmetnen añmağa kelgen Yelızaveta ayttı.
Şura Râzantseva aqqında ne bilemiz
Qırımda doğğan asker, İtibar inqilâbında iştirak etti, İnstıtutska soqağında yaralanğanlarnı qurtara edi. Tolu miqyaslı cenk başlamadan evel telekanallar ve ukrain yıldızları içün urba stilisti ve urba ressamı olıp çalışqan edi. Şu cümleden, Şura Râzantseva Kvartal 95" aktörleri ve Ukraina prezidenti Volodımır Zelenskıynı kiyindirgenini añlattı.
Qız, insanlarnı qurtarğanı İnstıtutska soqağında edi. O vaqıt "Ava yüzü" qaramanı Roman Ğurık onı qurtardı.
2014 senesi saban ayında başqa faalcilernen beraber Şura, işaretlersiz rus ordusınıñ askerlerinen endi tolu olğan tuvğan Qırımğa ketti. Faqat kelecek blok noqtasında ruslar qızlarnı tuttılar. Bundan soñ Şuranıñ 10 seneden soñ alâ daa hatırlağanı uzun beş künlik esir edi.
Azat etilgen kün qız ögrendi ki, olarnı Aqyarda tutıp qapattılar. Bundan soñ "Armânsk" KPVVe yolladılar. Ateş sesleriniñ refaqatınen maşnalarğa minip, Qırımdan ketmege emir ettiler.
2022 senesi kiçik ayda "Yalta", Topraq mudafaasına qatıldı, birazdan ise Desant-ücüm ordusınıñ yañı taqımınıñ azası oldı.
Suspilne Qırım, Rusiye Federatsiyasınıñ tolu miqyaslı tecavuzından soñ Ukrainanı qorçalamağa ketken qırımlı Şura Râzantsevanıñ ikâyesini añlattı.
Telegram ve Facebookta Suspilne Qırım haberlerine abune oluñız