Ukrainanı yañıdan quruv meseleleri halqara konferentsiyasında (URC2024) UKRAINEinLEGObricks leyhası çerçivesinde Lego şirketi, Ukrainanıñ mimarcılıq abideleriniñ konstruktorlarını taqdim etti. Olardan biri — Bağçasaraydaki Hansaray.
Prezidentniñ Qırım MCdeki Temsili bu aqqında haber berdi.
Temsil qayd etti ki, Bağçasaraynıñ Hansarayı — qırımtatar saray mimarcılığınıñ tek qalğan örnegi olğan, XVI asırda qurulğan yekâne mimarcılıq abidesidir. Qırımtatarlar içün o, qadimiy medeniyetiniñ ve tuvğan yerine qaytmağa ümüdiniñ timsali olıp, mim rol oynadı.
"2014 senesinden işğalciler, sanki “yañıdan tamirlev“ işlerini keçirerek, saraynıñ özgünligini yoq eteler", — prezidetniñ Temsili qayd etti.
Bundan ğayrı, konferentsiyada "Altın Qapu" ve Pidğirtsi sarayınıñ konstruktorları taqdim etildi. Bu mimarcılıq abideleri, dört ülkeden sanatçı tarafından yaratıldı: AQŞdan Erik Lou ve Mark Segedi, Almaniyadan Daniel Zaydl, Lehistandan Matsey Kotsot ve Ukrainadan Oleksandr Yermolayev.
Hatırlatamız ki, Berlin şeerinde Ukrainanı yañıdan quruv meseleleri halqara konferentsiyası (Ukraine Recovery Conference – URC2024) açıldı, anda Ukrainanıñ vaqtınca işğal etilgen topraqlarına, şu cümleden Qırım Muhtar Cumhuriyetine, bağışlanğan levha taqdim etildi.
Telegram ve Facebookta Suspilne Qırım haberlerine abune oluñız