Berlin şeerinde Ukrainanı yañıdan quruv meseleleri halqara konferentsiyası (Ukraine Recovery Conference – URC2024) açıldı, anda Ukrainanıñ vaqtınca işğal etilgen topraqlarına, şu cümleden Qırım Muhtar Cumhuriyetine, bağışlanğan levha taqdim etildi.
Facebookta Ukrana prezidentiniñ Qırım MCdeki Temsili bu aqqında haber berdi.
Temsilniñ qayd etkeni kibi, bu konferentsiya, Rusiyeniñ Ukrainağa qarşı tolu miqyaslı tecavuzınıñ başlanğıcından teşkil etilmege başlanağn sene yüksek seviyeli tedbirlerniñ devamıdır.
Tedbirde halqara siyasiy liderler, halqara teşkilâtlar ve maliyeviy müessiselerniñ vekilleri, şahsiy sektornıñ vekilleri, yerli ve bölge akimiyeti, cemaat faalcileri ve ukrain diasporasınıñ vekilleri iştirak eteler.
Temsil qayd etti ki, levhanıñ esas maqsadı - konferentsiyanıñ iştirakçilerine Ukrainanıñ vaqtınca işğal etilgen topraqlarındaki, şu cümleden Qırım Muhtar Cumhuriyeti ve Aqyar şeerindeki, vaziyet ve Qırım işğal etilgen soñ Ukrainanıñ yapacağı reintegratsiya siyaseti aqqında haber bermektir.
"Bu, işağalcilerniñ Qırımnı silâlaştıruvınen bağlı cinayetleri, insan aq ve azatlıqlarını bozmağanı, ukrain Barışıq formulasını yerine ketirmek, We build Crimea programması vastasıne Qırımın yañıdan qurmağa qatılmaq kerekligini daa bir kere qayd etmek içün de pek müim bir tedbirdir", — Prezidentiniñ Qırım MCdeki Temsili qoştı.
Temsilniñ taqımı, malümatnı azırlamağa faalca yardım etti ve tedbirdeki levhalarnı taqdim ete. Bu levha, çoq iştirakiniñ diqqatını işğalden azat etüv ve işğalniñ neticeleri yoq etüv ceetinden işğal etilgen Qırımdaki aktual vaziyetke celp etmege imkân bere.
Telegram ve Facebookta Suspilne Qırım haberlerine abune oluñız