Ressam Renat Asanova Qırımğa iç barmağanına baqmadan onıñ resimlerini yapa. Qıznıñ sözlerine köre, iç bir vaqıt oqumağanına baqmadan ressam oldı. Qadın mevzusında çalışmağa başladı, amma tolu miqyaslı tecavuz başlağan soñ özdeşligi aqqında tüşünmege başladı. Ressam, yañı resimlerine "Qırım ve ev" adını qoysı, çünki öz qırım ataları aqqında ögreneceginden emindir.
Suspilne Qırım mühbiri, ikâyesini añlatqan sanatçınen tanış oldı.
"Bunı, tamam bu oyunnı qayd etmege qarar aldım. Er bir resimde örnekniñ qısmı bar. Bu, UNESCOnıñ medeniy mirasına kirsetilgen örnektir", — Asanova añlattı.
Ressam Renat Asanova, bu resimler seriyasına "Qırım ve ev" adını qoydı. Uzun zaman degil Qırım, onıñ içün tuvğan oldı.
"Keçenlerde yaşamağa başladım. Bundan evel zombi kibi edim. Meraqlı bir şey yoq edi. İş, ev ve ayatta qalmaq, nasıldır böyle", — ressam añlattı.
Babasınıñ aqrabalarına köre qırımtatar qızı Özbekistanda doğdı, babasınıñ ana-babaları sürgün etildi. 1944 senesi Renata 2 yaşında olğanda ana-babası Ukrainağa köçip keldiler. Jıtomır vilâyetiniñ Berdıçiv şeerinde yaşağan ediler. Balalığından berli qız, resim yapmağa sevgen edi, amma 2020 senesi pandemiya devrinde sanatnen ciddiy şekilde oğraşmağa başladı. 2022 senesi tolu miqyaslı tecavuz başlağan sıñ Renata özdeşligi aqqında tüşünmege başladı.
"Ressam — bu ne demek ya? Bu, meyva ve sebzelerniñ resimlerini yapmaq degildir. Ressam olaraq bunı ne içün yapqanıñnı, maqsadıñ ne olğanını demek, degilmi?" — Asanova qayd etti.
Bu sualge cevap bermek içün kim olğanını ögrenmege qarar berdi. Böylece Renatanıñ ayatında Qırım peyda oldı.
"Başımda, göñΩlümde bir şey oldı. Men, pek güzel, tekrarlanmaz medeniyetniñ parçası olğanımnı añladım. Qırımdan, qırımtatar olğanımnı añladım. Buña, ögümde er şey ğayıp olğanına adiy şekilde baqmaq mümkün degil. Men bir şey yapmayamam. Bu mevzu, bu sual mende büyümege başladı", — Renata Asanova qayd etti.
Renata Qırımğa iç barmadı. Qız añlattı ki, onıñ nasıl olğanını tasavur ete.
"O yerge iç barmadım, amma başımda nasıldır hayaller bar, kontrol etmegenim fikirler peyda ola. Elbette, o yrge ketecegim! Anda olacağım, bilmeyim... Anda yaşaycağım. Bu qoqunı qoqlamağa, kezinmege, bunı duymağa isteyim! Özüm içün añlamaq", — ressa qayd etti.
Şu anda Renata, işğal etilgen Qırımda aqrabalarını tapmağa qıdıra. Ressam añlattı ki, bu pek qıyın, çünki pek çoq aynı soy adın bar, yarımada ise işğal astında buluğanı sebebinden o yerge ketmege imkân yoq. Asanova, öz aile tereginiñ resimini yaptı.
Bundan ğayrı, Suspilne Qırım mühbirine de Renata aile tereginiñ resimini kösterdi.
"Onıñ adı “Aqıl özenleri“. Kerçekten de bu, menim sürrealistik aile teregim kibidir. Ne içün sürrealistik? Çünki men onıñ resimini yapamam, aqrabalarımnı bilmeyim. Men bu terekni tüşünip çıqardım. Em bunıñ içün o ğariptir. Em de bunıñ içün bir tamırdan aqqan pıtaqlar-özenlernen kösterildi. Men olarnı mıtlaqa taparım!" — Asanova qayd etti.
Renata Asanova, USQ içün FPV-dronlarğa para toplanmağa faalca qatıla. Gilzalar ve tubuslarda ukrain ve qırımtatar örneklerinen resimler yapa, bundan soñ sata ve cebede cenkleşkenlerge yardım ete. Ressam tasilini almağa ve kelecekte körecegi Qırımnı tasvir etmege devam etmege planlaştıra.
Telegram ve Facebookta Suspilne Qırım haberlerine abune oluñız