Mayıs ayınıñ 6-sında işğal etilgen Qırımda Ukraina Mudafaa nazirliginiñ Baş İstihbarat İdaresiniñ "Group 13" mahsus bölügi, "Mangust" rus tez katerini arbiy tertibatı ve silâsınen battırdı. Aynı zamanda işğalciler yarımadanı qorçalamağa azırlanmağa devam eteler.
Mayıs ayınıñ 6-sında "Tek haberler" milliy telemarafonınıñ canlı yayınında Ukraina MNniñ Bİİniñ vekili Andriy Yusov bu aqqında haber berdi.
"Tasdıqlamağa imkânımız ve istegimiz bar ki, rus tez kateri tek bozulmadı, kerçekten de yoq etildi. Qara deñizde endi yoq. Ve bugün minus bir", — dep bildirdi.
Bİİniñ vekili qoştı ki, mahsus askerler rus tez kateri arbiy tertibatı ve silâsınen battırdılar.
Yusovnıñ sözlerine köre, 12150 "Mangust" leyhalı tez kater, Rusiyeniñ "pek yañı kateri"dir. Aynı zamanda işğal etilgen Qırımda RF Qaradeñiz flotunıñ faaliyeti "pek sıñırlanğan", amma yarımadadan tatamınen çıqamaz.
"Bunıñ içün faaliyetini böyle tez katerlernen temin etmege mecbur qalalar. Böylece, MAGURA ve Bİİniñ Group 13 mahsus bölügi mufavaqiyetnen olarnı yoq eteler. Bu kerçekten muvafaqiyetli bir operatsiya", — Yusov qayd etti.
Aynı zamanda mayıs ayının 7-sinde "Suspilne.Studiya"nıñ canlı yayınında Ukraina SQniñ Arbiy-deñiz quvetleriniñ nutuqçısı Dmıtro Plemençuk haber berdi ki, yarımadada rus askerleri Qırımnı qorçalamağa faalca azırlanmağa devam eteler.
Onıñ sözlerine köre, olar gemi-kater vastalarınen Qara deñizniñ ava boşluğını qaravul etemezler, amma er vaqıt avada istihbarat dronları ve uçaqları bulunalar.
"Böylece olar Qırım boşluğonı bizim mümkün olacaq areketlerinden saqlamağa isteyler... Böyle kün olmaycağından, vaqtınca işğal etilgen Qırımda vastasız mudafaa etmek kereksizliginden emin degiller. Yani olar tüşüneler ki, böyle ola bilir", — dep Pletençuk qayd etti.
Rus kateri "Mangust"nıñ yoq olması aqqında ne bilemiz
Gece maalinde Bİİniñ askerleri, işğal etilgen Qırımnıñ ğarbiy yalısındaki Kezlev rayonınıñ Tar körfezi rayonındqa operatsiya keçirdiler.
"Suspilne. Studiya"nıñ canlı yayınında "Strategiya XXI" Globalleşüv merkeziniñ arbiy programmalarınıñ reberi, eski I. seviyeli kapitan Pavlo Lakiyçuk haber berdi ki, ukrain askerleri işğal etilgen Qırım rayonında rus askerleriniñ deñiz obyektlerine operatsiyalarnı semerelice yapmağa başladılar. Onıñ sözlerine köre, ukrain deñiz dronlarınıñ "sırası" er vaqıt yañı usul qullanmağa yardım etkeni içün işğalcilerniñ uyğunlaşmağa vaqtı olmay.
Birazdan belli oldı ki, Magura V5 ücüm deñiz dronınıñ yardımınen Ukraina Mudafaa nazirliginiñ Baş İstihbarat İdaresiniñ “Group 13” bölügi, rusiyeniñ 12150 "Mangust" leyhalı tez qaravul katerini yoq etti. Onıñ tahminiy fiyatı 3 million dollar.
Telegram ve Facebookta Suspilne Qırım haberlerine abune oluñız