Saban ayınıñ 5-inde saba maalinde quvetçiler, Bağçasarayda "Qırım birdemligi"niñ faalcileriniñ evlerini ve Qırımnıñ Canköy rayonında diniy erbaplarnıñ evlerini tinttiler. Tutulğan qırımtatar adamlarını terror teşkilâtına iştirak etmege qabaatlaylar.
"Qırım birdemligi" bu aqqında haber berdi.
"Tutulğan qırımtatar faalcileri ve diniy erbapları Aqmescitteki FSB İdaresine yollandı. Şu anda olarnen bağlı taqiqat tedbirleri keçirile. Yaqın kelecekte qorçalayıcı tedbir saylaycaqları makeme oturışı keçirilecek. Advokatlarnıñ birinci malümatına köre, bütün qırımtatar adamları RF CQniñ 205.5. maddesinde qabaatlanalar", — dep bildirildi.
Telegram ve Facebookta Suspilne Qırım haberlerine abune oluñız