Qanunsız tevqifine qarşılıq areketi: SİZOdan Umerovanıñ mektüpleri siyrek yollanır

Ексклюзивно
. Telegram/ Дарʼя Корнілова

Ruslar tarafından "casuslıq"ta qabaatlanğan ve tevqif müddeti 2024 senesi qara qış ayına uzatılğan qırımtatar Leniye Umerovanıñ mektüpleri SİZOdan siyrekçe yollanır, çünki olarnı ukrain tilinde yaza. FSB rus tilinde yazmağa tevsiye ettiler, amma qız devlet tilinde yazmağa devam ete — qanunsız tevqifine qarşılıq areketi olaraq.

Onıñ qardaşı Aziz Umerov bunı Suspilnege añlattı.

Qırımtatar qızı soñ mektübinde yahşı olğanını ukrain tilinde yazdı. Mektüpleri, ailesi içün tek malümat menbasıdır, çünki Leniyeniñ davası sır oldı.

"Mektüplerni siyrek alamız, soñ ayda yayınlağanım tek bu qısqa mektübini aldıq. Faqat qız qardaşıma ukrain tilinde yazmamağa çoq kere tevsiye etkenleri içün FSB tsenzurası sebebinden biz mektüplerini siyrekçe alamız. O bunı yapmağa devam ete, qanunsız tevqifine ve onıñ etrafında yapılğan bütün adımlarğa öz qarşılığını bildirerek ukrain tilinde yaza", — dep Umerovanıñ qardaşı qayd etti.

Onıñ sözlerine köre, şu anda mahkemeden evel taqiqat ceryanı devam ete. Ruslar, bitirmegenleri bir qaç ekspertiza tayin ettiler. Bundan ğayrı, adam kördi ki, makemden evel taqiqat keçirgen hızmet insanları, "aşıqmaylar ve sadece köpek suvaralar".

"Endi 11 aydır öz başına, bir kişilik kamerada olğanı sebebinden o laf etmege istey, çünki o sadece böyle halq ögündeki şekilde ve makeme ceryanında sadece advokatlarınen laf ete bilir. Bunın içün bütün destek sözleri onı yahşı duyduralar", — dep ayttı o.

Leniye Umerova aqqında ne bilemiz

  • 2022 senesi ilk qış ayından berli Rf akimiyeti, 25 yaşındaki qırımtatar Leniye Umerovanı qanunsız olaraq tuta edi. Oña qarşı bir qaç memuriy protokol tizdi. Birinci kere sanki vesiqalarını bermegen, bundan soñ sanki telefonını bermegen, bundan soñ da sanki "masadan çıqmağan ve qarşılıq köstergen".
  • Bozarğan aynıñ 30-ında Moskvadaki Lefortov makemesi, Ukraina vatandaşı Leniye Umerovanıñ tevkif müddetini 2023 senesi ekim ayınıñ 4-üne qadar uzattı.
  • Suspilne Qırım, Leniyeniñ ağası – Aziz Umerovnen laf etti. O, RF tarafından tek ukrain pasportına saip olğanı ve rusiye pasportını almağa red etkeni içün maküm etilgen qız qardaşınıñ ikâyesini añlattı.
  • Qırım uquq qorçalayıcı gruppasınıñ başı Olha Skrıpnık, qırımtatar Leniye Umerovanıñ RFdaki izolâtorda tevqif müddetleriniñ uzatılması içün sebeplerni añlattı. Bundan ğayrı, uquq qorçalayıcı qıznı işğalcilerni azat etmege ve evine qaytarmağa yardım etecek yollarnı añlattı.
  • Quralaynıñ 5-inde Moskvadaki Lefortov rayon makemesi, ruslarnıñ Şimaliy Osetiyada 5 ayğa qanunsız olaraq tevqif etkeni qırımtatar Leniye Umerovanı epis etti. Leniye Umerovanıñ qorçalayıcıları, qorçalayıcı tedbirniñ miqdarını iddialaşmağa planlaştıralar.

Telegram, Viber ve Facebookta Suspilne Qırım haberlerine abune oluñız