Rostov-na-Donudaki Cenübiy bölge arbiy mahkemesi işğal etilgen Qırım sakinini yarımadada demiryol cihazlarını yaqqan soñ «terrorcılıq» içün 15 senege mahküm etti.
Boş aynıñ 5-nde Rusiye Cenübiy naqliyat prokurorlığı Telegramda bunı bildirdi.
Mahkeme qarar çıqardı ki, adam ilk üç senesini apishanede, qalğanını sert rejimli müstemlekede keçirmek kerek. Oña em de bir buçuq senelik areket sıñırlavları olaraq qoşma cezası tayin etildi.
Rusiye taqiqatınıñ versiyasına köre, 2025 senesi saban ayında işğal etilgen Qırım sakini, soñ ölgen daa bir şahısnen beraber, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ Perove köyündeki stantsiyada rele dolabını yaqtı. Bu aletler demiryol signalizatsiyasını ve svetoforlarnı idare etmek içün qullanıla.
Rusiye prokurorlığı iddia ete ki, adam para mükâfatı içün areket etken ve yaqqan soñ vazifeniñ icrasınıñ video yazısını kuratorğa berdi. Rusiye tarafınıñ bildirgenine köre, işğalli «Qırım demiryolı» müessisesine zarar 2,4 million rubleden (1,3 million ğrn) ziyade oldı.
2026 senesi başından berli işğal etilgen Qırımda eñ az 28 insan «devlet hainligi», «terrorcı faaliyet», «partlayıcı maddelerni qanunsız satın alması, saqlaması, taşıması ve yanına alması» maddeleri boyunca qanunsız üküm aldı, dep añlattı Suspilne Qırımğa Qırım Uquq qorçalayıcı gruppasınıñ reisi Olğa Skrıpnık.
Rusiye ukrayin vatandaşlarını VİETvaqtınca işğal etilgen topraqlarda «terrorizm», «aşırıcılıq», «casuslıq» ve «devlet hainligi» qabaatlamalarını qullanıp muntazam şekilde taqip ete, dep añlattı QRMniñ idarecisi Zarema Bariyeva. Onıñ sözlerine köre, tutulğan soñ ukrayinlerni Rusiyeniñ «aşırıcılar ve terroristler» cedveline kirsete bilirler, bu, olarnıñ qorantalarına da netice bere. Taqip etilgenler arasında sadece erkekler degil, qadınlar, gençler ve 75–78 yaşındaki insanlar da bar.
Evel işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye quvetçileri tarafından tutulğan soñ Harkiv tiller mektebiniñ tesisçisi ve oquv müdiri Oleksandra Kazarovıtska (Kolesnikova) elâk oldı. O, üç ay bir kişilik kamerada bulundı. İşğalciler onıñ «özüni öldürgeni»ni bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız