Boş aynıñ 4-nde gece maalinda vaqtınca işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde ava telükesi ilân etildi.
İşğalli şeer «gubernatorı» Mihail Razvojayev bu aqqında haber berdi.
Bundan ğayrı, Qırımda dron telükesi ilân etildi. Yarımadanıñ işğalli FVNniñ malümatına köre, yarımadanıñ şarqında ava mudafaası sisteması çalıştı.
Saat 4:38-de Qırım köprü qapatıldı. Saat 8:11-de areket ğayrıdan tiklendi. Köpürge maşna yollarındaki vaziyet aqqında haber etken işğalli maşna yolları merkezi bunı bildirdi.
Aynı zamanda yerli sakinler «Qırım yeli» nezaret Telegram kanalına añlattılar ki, yarımadanıñ farqlı rayonlarında patlav sesleri duyuldı. Şu cümleden, olarnıñ sözlerine köre, Bağçasaray ve Saq rayonları sıñırı yanındaki yalıda patlavlar duyuldı. Bundan da ğayrı, Sevastopol (Aqyar) şeerinde, Strilerska körfezi etrafında gürülti eşitildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız