İşğalli Qırım prokurorlığı Yalta sakinine qarşı Rusiye mahkemesine «İnternette terroristik faaliyetke açıq çağıruvlarRF CQniñ 205.2-nci maddesiniñ 2-nci qısmı» boyunca cinaiy davanı yolladı.
Boş aynıñ 2-nde Qırım «prokorurlığı» Telegram bu aqqında haber berdi.
Taqiqatnıñ versiyasına köre, 50 yaşındaki Yalta sakini RF toprağında terroristik aktlarğa çağırğan tefsirlerni yazdı.
İşğalli prokurorlıqnıñ saytında yazılğanı kibi, bu, bu yılnıñ boş ayında oldı. Onıñ davası Rostov-na-Donu, Rusiyeniñ Cenübiy bölge arbiy mahkemesine yollanıldı
Hatırlatamız ki, 2026 senesiniñ başından işğal etilgen Qırımda eñ az 28 insan «devlet hainligi», «terroristik faaliyet», «patlayıcı maddelerniñ qanunsız satın alması, saqlaması, taşıması ve yanına alması» maddelerine istinaden qanunsız ükümler aldı, dep bildirdi Suspilne Qırımğa Qırım uquq qorçalayıcı gruppasınıñ reisi Olğa Skrıpnık.
Rusiye, «terrorizm», «aşırıcılıq», «casuslıq» ve «devlet hainligi» qabaatlavlarını qullanıp, Ukrayina vatandaşlarını Qırım yarımadasında, Herson ve Zaporijjâ vilâyetlerinde muntazam surette taqip ete, dep bildirdi Qırımtatar Resurs Merkeziniñ idarecisi Zarema Bariyeva. Onıñ sözlerine köte, ukrayinler tutulğan so olar «aşırıcılar ve terrorcılar» cedveline kirsetile bileler, bunıñ sebepleri aileleri de duyar. Taqip etilgenler arasında tek erkekler degil, qadınlar, gençler ve 75-78 yaşındaki insanlar bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız