Orta küz ayınıñ 30-nda aqşam maalinde Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) işğal etilgen topraqlarda ya da Rusiyede qalmağa qarar bergen Oleşkı sakinlerini ketirdiler
TASS bu aqqında haber berdi.
«Hastalar kelgen soñ, olarnı baqtılar. Elbette, esasen tibbiy yardımğa muhtac olğan qartlar. Çoqusında basım yükseldi, yol ağır edi, bir qaç yara sarıldı», — yazdı agentlik.
Ne qadar çoq insannı Rusiyege alıp ketkenleri şimdilik belli degil. Orta küz ayınıñ 30-nda baş nazir Serğiy Koretskıy bildirdi ki, gumanitar missiyası keçirilgen Herson vilâyetiniñ işğal etilgen Oleşkı şeerinden 527 insan Ukrayina nezaretindeki topraqqa tahliye etile. Bundan soñ baş nazir, insanlarnıñ sayısı aqqında «yañlış malümat bergenim içün» afu soradı ve, ne qadar insan tahliye etilecek belli olmağanını qayd etti.
Rusiye blogeri Vladimir Romanov bildirdi ki, Ukrayinağa 17 avtobus ketecek edi, Rusiyege ise — yalıñız dört. Amma soñra bu qıyaslama onıñ yazısından silindi.
«Avtobusta 750 yer bar edi. Men bellesem, bu talaplarğa köre esaplandı. Koretskıynıñ sözleri de. Diger malümat, teessüf ki, yoq. Avtobuslar ögündeki meydanda fotoresimlerde 150 insan kördik", — dep tarif etti Suspilne Qırımğa tefsirde "İşğal tedqiqatları merkezi"niñ reberi Petro Andrüşçenko.
Resmiy malümat beklemek kerek, dep ayttı Andrüşçenko. Rusiye teşviqatına baqmadan, tuvğnaları ve resmiy olmağan haber menbaları işğal etilgen Oleşkı şeeriniñ sakinlerini Ukrayina kontrol etken toprağına çıqmağa qandırmağa yardım ettiler, dep qayd etti o.
«Merametli isanlarımız çalıştı. Resmiy olmağan menbalar, tuvğanlar ve ilâhre. Er bir qulaqnı qandırdışar. Bu köstergiçli bir şeydir», — añlattı Petro Andrüşçenko.
Aynı zamanda Ukrayina kontrol etken toprağına çıqmağa istegen Oleşkı sakinlerinen uçaqlar Belarusnıñ Ğomel ava limanına uçıp keldi.
Saat 10:16-da Davıd Arahamiya haber berdi ki, soñki dörtünci uçaq Ğomelge keldi.
«Bir qaç saat soñ Oleşkıdan tahliye etilgen bütün Ukrayina vatandaşları ve ukrayin vekilleri Ukrayinanıñ toprağına keldiler», — yazdı o, Telegramda.
Orta küz ayınıñ 30-nda Ombudsman Lubinets bildirdi ki, Ukrayina nezaretindeki topraqqa çıqmağa istegen Oleşkı sakinleri çıqıp oldılar. Qalmağa qarar bergenler içün gumanitar yardım da ketirildi.
«İnsanlar özleri ile avtobuslarğa büyük çantalarnı almaylar, bu içün ayrı naqliyat azırlanılğan. İnsanlar olarnı teslim ete ediler, işaretlerni ala ediler. Er şey mükemmel çalışa. Malümat pek tez yazıla. Em de rusiye müessiseleriniñ hadimleri, em de menim hadimlerim bar, olar er keske yer yetip-yetmegenini kontrol eteler. Qayd etilmegen insanlar kelgen soñ, olarğa da imkân berildi», — dep añlattı Lubinets.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız