Orta küz ayınıñ 17-nden berli bir qaç kün devamında işğal etilgen Qırımnıñ Yalta rayonında yağğan yağmurlar neticesinde 15 ev, «Ğirske sontse» pansionatınıñ toprağı ve trolleybus parkı suv altında qaldı.
İşğalli Qırım FVNFevqulâde vaziyetler nazirligi bu aqqında haber etti, dep bildirdi orta küz ayınıñ 23-nde RİA «Novosti Krım» Rusiye teşviqat haber agentligi.
«14 obyekt suvdan çıqarıldı, 17-si suv astında qala. Bu, Koreiz ve Alupkadaki 14 şahsiy ev ve bir çoq daireli ev, trolleybus parkı ve "Ğirske sontse" pansionatınıñ toprağıdır», — dep qayd etti nazirlik.
Bundan da ğayrı, «FVN» qoştı ki, rayonda 26 vaqtınca bent quruldı, olarnıñ umumiy uzunlığı 2 300 m, 1 920 kubometr topraq çıqarıldı ve Yalta avtovokzalında trolleybus parkı suvğa bastı.
Hatırlatamız ki, orta küz ayınıñ 17-nden berli işğal etilgen Qırımnıñ Yalta şeerinde yağğan yağmurlar sebebinden fevqulâde vaziyet rejimi ilân etildi. Yalta rayonında yaramay ava sebebinden orta küz ayınıñ 20-nde gece elektrik yoq oldı, onı qısmen ğayrıdan tiklediler. Şimdi bölgede fevqulâde furtuna havfı ilân etildi. Koreizde yağanaqlar belediye içün tabiiy fevqulâde vaziyet olaraq tanıldı, anda Özen Çeşme özeniniñ yalısı açıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız