Orta küz ayınıñ 17-nden berli işğal etilgen Qırımnıñ Yalta şeerinde yağğan yağmurlar neticesinde Guva özeni yalıdan çıqtı, neticesinde destek divarı yıqıldı ve avtovokzal yanındaki trolleybus parkı suvğa battı. Şeerde fevqulâde vaziyet rejimi bar.
İşğalli Qırım FVNFevqulâde vaziyetler nazirligi bunı bildirdi, dep haber ete orta küz ayınıñ 20-nde «Vesti Krım» yerli neşiri.
Saba Cenübiy yalı boyundaki yolnıñ divarı yıqıldı, ve naqliyat yarı suv astında qaldı. Aqımnı toqtatmaq içün, beton levhalardan bentler qurula, dep haber ete «Krım 24» Rusiye tarafdarı neşiri.
Umumen orta küz ayınıñ 17-nde Yalta rayonında furtuna havfı vaqtında 509 mm yağanaq yağdı — bu tarihiy maksimum, dep bildirdi müessise.
Velıka Yaltada şiddetli yağanaqlar sebebinden fevqulâde vaziyet ilân etile.
«Yalta memuriyetiniñ reisiniñ muavini, şeer yolbaşçısınıñ vazifelerini de eda etken Svitlana Şevçenko «Krım» 24 telekanalına şeerde fevqulâde vaziyet rejiminiñ devam etüvi aqqında tarif etti. O, qoştı ki, bütün acele hızmetler yüksek seviyeli azırlıq vaziyetinde buluna.
Şevçenko, Yaltadaki trolleybus parkı yanındaki suv basuv zonalarınıñ sakinleriniñ bir qısmı ve özenniñ kenarlarından çıqqan Koreiz sakinleriniñ bir qısmı endi telükesiz yerlerge tahliye etilgenini bildirdi. Bazı yerli sakinler evlerinde qalmağa qarar aldılar.
Hatırlatamız ki, orta küz ayınıñ 20-nde gece işğal etilgen Qırımnıñ Yalta rayonında elektrik yoq oldı, onı qısmen ğayrıdan tiklediler. Şimdi bölgede fevqulâde furtuna havfı ilân etildi. Koreizde yağanaqlar belediye içün tabiiy fevqulâde vaziyet olaraq tanıldı, anda Özen Çeşme özeniniñ yalısı açıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız