Orta küz ayınıñ 22-nde gece maalinda işğal etilgen Qırımda patlavlar eşitildi ve rusiye ava mudafaası sisteması (AMS) çalışa edi. Bundan ğayrı, bu gece Keriç rayonınıñ Yedi Qutu qasabasında elektrik kesildi.
RF Mudafaa nazirliginiñ bildirgenine köre, orta küz ayınıñ 21-nde saat 20:00-den orta küz ayınıñ 22-nde saat 8:00-ge qadar rusiye AMS Rusiye, Qırım ve Qara deñiz üzerinde 808 ukrayin dronını tüşürip yoq etti.
Aynı zamanda şaatlar «Qırım yeli» nezaret Telegram kanalına añlattılar ki, mobil ateş gruppası Sevastopol (Aqyar) şeeriniñ yanındaki Orlivkada dronlarğa ateş açtı. Bundan evel, orta küz ayınıñ 21-nde aqşam maalinda Keriç rayonınıñ Yedi Quyu qasabasında elektrik kesildi, dep bildirdiler yerli sakinler.
Hatırlatamız ki, orta küz ayınıñ 21-nde Ukrayina Mudafaa quvetleri işğal etilgen Qırımnıñ Perekop (Or) rayonınıñ Yañı Qapu şeerindeki malzeme-tehnika anbarına ücüm etti. Orta küz ayınıñ 21-nde şeerde bir qaç patlavdan soñ gece elektrik yoq oldı. Yarımada ve Qara deñizde Rusiye ava mudafaası (AMS) da çalışa edi, dep haber etti Rusiye Mudafaa nazirligi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız