Orta küz ayınıñ 21-nde Ukrayina Mudafaa quvetleri işğal etilgen Qırımnıñ Perekop (OrRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ Yañı Qapu şeerindeki malzeme-tehnika anbarına ücüm etti.
Ukrayina Silâlı quvetleriniñ Baş ştabı Facebookta bu aqqında haber berdi.
«Rusiye istilâcısınıñ vaqtınca işğal etilgen ukrayin Qırımınıñ Yañı Qapu meskün yerindeki ve Donetsk vilâyetiniñ Çıstâkove rayonındaki malzeme-tehnika anbarları ücüm etildi. Yedeklerniñ yoq etilmesi duşmannıñ bölüklerni temin etmek imkânlarına mania ete ve olarnıñ arbiy areketlerni alıp barmaq imkânlarını yoq ete», — dep bildirildi.
Hatırlatamız ki, işğal etilgen Qırımnıñ Perekop (Or) rayonınıñ Yañı Qapu şeerinde bir qaç patlavdan soñ gece elektrik yoq oldı. Yarımada ve Qara deñizde Rusiye ava mudafaası (AMS) da çalışa edi, dep haber etti Rusiye Mudafaa nazirligi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız