Üç kündir işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) kommunal hızmetler turmuş çöpüni almay. Bu sebepten şeerniñ azbarlarında çöplük obası peyda oldı. Sevastopollılar içtimaiy ağlarda fotoresimler ve şikâyetlerinen paylaşalar. Orta küz ayınıñ 15-nde şeerniñ işğalli gubernatorı Mihail Razvojayev haber berdi ki, qattı kommunal çöpüniñ çıqarılmasınen bağlı mesele «Temiz şeer» şirketiniñ esapları blok etilgeni sebebinden oldı ve bunıñ içün çöp alğan maşnalar çalışmay.
O, öz Telegramında bu aqqında yazdı.
«Men, şeerde qattı kommunal çöpüniñ çıqarılmasınen bağlı meseleni körem. Temiz şeer» şirketiniñ esapları blok etilgeni sebebinden çöp alğan maşnalar çalışmay, bunıñ neticesinde çöplük meydançıqları çöpnen toldurıla. (...) Yaqın zamanda çöp alğan maşnalar liniyağa çıqar, çöp almağa devam eter, çöplük meydançıqları ise temizletilir», — dedi Razvojayev.
«ÇP/Sevastopol» Telegram kanalında şeerniñ sakinleri yazalar ki, Ostrâkov soqağında, «Blagodatnıy» MKmeskün kompleksnde, Taras Şevçenko soqağı 18 ve 26-ncı evler arasında, «Maksimova Daça» rayonında, Gagarin rayonında ve Flagramska soqağında kergin vaziyet oldı. İnsanlar, soqaqlarda çöp alıp ketken küçlü yelden şikâyet eteler ve endi sıçavullarnı kördiler.
«Üç kündir Ostrâkov 94-90 azbarından çöp alınmay. Azbar hızmetçisi ayttı — narazlıq. «Tsentr» idare etici şirketi yazdı ki, vaziyetni ögrene. Parijden sıçavullarnıñ ketkenini bekleymiz».
«Kün şerefiñiz hayırlı olsun! Meraqlı , bir qaç kündir tek «Blagodatnıy» MKnden (Şevçenka, Stoletovskıy) çöp alınmay?».
«Ostrâkova soqağı 94 çöp alınmay. (...) Sakinler çöp aluv hızmeti içün oara ödeyler, amma çöp alınmay! Bir qaç kündir Taras Şevçenko sq. 18 ve 26-ncı evler arasında çöp alınmay».
«Maksimova Daça. Sevastopol. Toqtav yeri ve garajlar yanında. 2026 s. orta küz ayınıñ 14-nde saat 11:00de. Yel esip, çöpni alıp kete. Şu cümleden toqtav yerine ve nebatat parkına. Eki ada (belki de yerliler) çöp toplay ve çöplükke ata. Amma bu er vaqıt olmaz».
«Eki kündir Taras Şevçenko 26 ve Taras Şevçenko 24 adresindeki Blagodatnıy MKden çöp alınmay. FVNFevqulâde vaziyetler nazirligi ise küçlü yel aqqında beyanat yolladı. O esip, çöp alır. Orta küz ayınıñ 15-16 künleri Qırımda yağmurlar, bazıda da pek küçlü, boranlı yağmurlar, 15-20 m/s küçlü yel beklenile. Deñizge, dağlarğa çıqmaq, ağaç ve zayıf pekitilgen qurulışlar yanında turmaq ayat içün telükelidir. Alçaq yerler batırıla bilir».
«Kün şerefiñiz hayırlı olsun, bu tam 4-nci mektep, Flagmanska 5 ögünde Pek güzel, degilmi, anda sıçavullar çapa. Buña diqqat ayırmağa rica etem».
«Men körem ki, eki kündir bizim Gagarin rayonımızdan çöp alımay. Bu sebepten azbarlar ve çöplük meydançıqları çöplük obalarına çevirile, pis qoqu peyda ola, yel çöpni rayon boyunca tarqata. Böyle vaziyet — sadece bir oñaytsızlıq degil, şeerniñ sanitar vaziyetine ve sakinleriniñ sağlığına aqiqiy bir telükedir. Men bellesem, QTÇqattı turmuş çöpüniñ vaqtında alınmaması — mesüliyetli hızmetlerniñ vastasız bozuluvıdır. Acele çöp alıp çıarmağa, topraqnı temizletmege ve çöpni alıp çıqaruv cedvelini qayd etmege rica etem».
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız