İşğal etilgen Qırımnı Herson vilâyetiniñ işğal etilgen qısmınen bağlağan Çoñğar avtomobil köprü ciddiy zarar kördi. Uydu resimlerinde yolnıñ eñ az üç büyük yıqıluvı, soñra ise köpürniñ bir boğazınıñ yıqıluvı qayd etildi.
Dnipro Osint Telegram kanalı, uydu resmlerine esaslanıp, bunı bildirdi.
Onıñ malümatına köre, yañı ücümlerden soñ keçit areketi bayağı qıyınlaştı, bu ise Qırım ve işğal etilgen topraqlar arasında Rusiyeniñ arbiy logistikasına tesir ete bile.
İlk küz ayınıñ 26-nda yapılğan uydu resimlerinde Çoñ-ar köprüniñ ve yanındaki keçitniñ yol örtüsine eñ az üç büyük zarar ketirildi.
Dnipro Osintniñ malümatına köre, bu yerde areket bayağı qıyınlaştı. Hususan, işğal etilgen Qırım ve Ukrayinanıñ cenübindeki topraqlar arasında Rusiye arbiy yükleriniñ taşıması içün qoşma meseleler peyda ola bilir.
İlk küz ayınıñ 30-nda yapılğan uydu fotoresiminde vaziyet daa ciddiy körüne — Çoñğar köprüniñ keçitlerinden biri yıqıldı.
Çoñğar köprü Qırımnı Herson vilâyetinen bağlağan esas yollardan biridir. Onıñ zarar körmesi, bu marşrutnıñ Rusiye arbiy logistikası içün qullanılmasını zorlaştıra bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız