Ukrayina mahkemesi Qırım Muhtar Cumhuriyeti prokurorlığınıñ eki sabıq hadimini, 2014 senesinden soñ işğalli akimiyet ile işbirlik yapqanı sebebinden devlet hainligi Ukrayina CQniñ 111-nci maddesiniñ 1-nci qısmıiçün 12 ve 13 yılğa mahküm etti. Olarğa üç yıl devamında uquq qorçalayıcı organlarda çalışmağa yasaq etildi.
Orta küz ayınıñ 5-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Prokurorlar mahkemede 2014 senesi «Qırım Cumhuriyeti prokurorlığı»na keçkenlerini isbatladılar. İşğalden evel mahküm etilgenlerden biri Qırım Muhtar Cumhuriyeti prokurorlığınıñ halqara uquq vazifelerinen bağlı baş prokurorı, digeri — Aluşta prokurorlığınıñ prokurorı vazifesini eda etken edi.
Qırım prokurorlığı mahküm etilgen qadınlarnıñ adlarını aytmadı, lâkin Suspilne Qırımnıñ haberdar olğan menbaları söz Anastasiya Maksüta ve Olena Romanük aqqında ketkenini bildirdi.
İşğalli memuriyet tarafına keçken soñ, olar yarımadada RF akimiyetiniñ qanunsız organlarınıñ faaliyetine ve quvetleştirilmesine yardım etken «prokuror» vazifelerini eda ettiler, dep qoştı prokurorlıq.
Tahqiqatnıñ malümatına köre, olarnıñ areketleri işğalli qurulışlarnıñ çalışmasına yardım etti ve Qırımnıñ vaqtınca işğali rejimini quvetleştirdi.
Evelleri İvano-Frankivsk şeer mahkemesi Qırımnıñ sabıq köy yolbaşçısı Ğalına Perelovıçnı duşmannen işbirlik ve istilâcı devletke yardım etkeni içün 15 yılğa ğıyabiy şekilde mahküm etti ve mülküni musadete etmege qarar aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız